邊緣禁地：沙丘喪戰

個人覺得套戲一般，我會形容套戲雖然有很多不同元素，但結合出來卻沒亮點且過於公式化，盡管場面豐富和嘴炮位有些看頭，但撇除這樣，套片卻很俗套。沒有令人深刻的地方。就算有白蘭芝也好，也沒幫套戲挽回太多。痴·影·夢·藝 X 的專頁 https://www.facebook.com/ckwunmovie/

以異星為背景的尋寶歷險，我最喜歡的電影類型之一，尋寶過程及打鬥都十分精彩，寶藏內容更係意想不到。仲有隻機器人源源不斷提供搞笑位。呢套雖然無特別出眾嘅地方，但勝在各種元素都有，多個願望一次滿足！4.7/5 （94分）

我估唔到我會將Cate Blanchett同Jamie Lee Curtis兩位堂堂奧斯卡最佳女主角和女配角，同賤晶拉埋一齊講。太空科幻未來電影放喺荷里活，加埋個演員陣容，唔可以話唔揼本，但偏偏用屎尿屁嚟做笑唔出嘅笑料，話爽唔爽，話喪唔喪，加埋荷里活諧星Kevin Hart同功夫熊貓Jack Black聲演機械人，我居然一次都笑唔出，劇情老土，肉麻當有趣，連個童星都唔可愛！唔知係唔係因為明星片酬同CG令成本太貴，喺其他方面要節省開支，連化妝師都請唔起，啲壞蛋求其笠個Jason冰曲面具就算！中文片名用到「沙丘」，簡直對Dune，無論係電影或小說嘅侮辱！我其實好鍾意Cate Blanchett同Jamie Lee Curtis兩位女演員，自從Elizabeth I同《月光光心慌慌》就追捧到而家，但唔該兩位珍惜羽毛，下次接戲睇吓個劇本先，唔好學Robert De Niro臨老守唔到節，近年拍埋一大堆爛片，濫拍只會斷送一世英名呀！#閒人評戲

科幻、尋寶、CGI、動作、爆炸、槍戰、粗口、屎尿屁.....等等一切爽片元素都有，但玩得毫無新意，劇情既唔緊張，又唔刺激，過程沉悶，好似交行貨咁。演員、角色設計亦唔討好。全片只能說普普通通，毫無亮點。

套戲開頭聽完賞金獵人莉莉講完一輪開場白之後，跟住落去就由頭打到落尾，仲要係一咋人亂打一通，若果唔打嘅時候，就淨係聽到啲人嘈喧巴閉，而且靚女都冇個，仲要係一個比一個年紀大，姬蒂白蘭芝同珍美李寇蒂斯兩個人加埋成百二歲，姬蒂白蘭芝飾演嘅莉莉淨係識得耍「槍花」，但係又冇型冇款，珍美寇蒂斯飾演的怪雞科學家丹寧口水多過浪，淨係得個噏字，講埋曬啲不切實際嘅無謂嘢，打鬥戲場面混亂，一班人喺度走嚟走去，完全冇吸引力，場景由頭到尾有如垃圾崗，眾人逃難仲要匿埋喺架垃圾車，睇到最後究竟個任務完成點都唔知喇，亦都冇興趣去知，舂眼瞓嘅時候比睇嘅時候仲要多，唯一印象較為深刻嘅就係口水多多嘅機械人吱喳出嚟講下爛gag，成班癲嘅喪嘅一齊瘋狂亂闖，適宜兒童觀看的兒戲科幻動作片。

兩大奧斯卡女演員，在戲中過關、尋寶