亂

場面、攝影、人物造型令人難忘，特別那戰爭畫面，導演及其工作團隊的毅力和能力，現今CG不能與同語。經典電影，不容錯過。

三十幾年前睇嘅電影🍿️至今記憶猶新 不愧大師之作改篇自莎翁名劇《李爾王》卻寄託在日本戰國時代三姊妹亦轉化成三兄弟日本推陳出新 將他山之石 可以攻玉嘅能力天下第一 遠比強國專事剽竊咁下流高出太多當年戰爭場面感覺是三隻顏色打埋一堆簡直係色彩繽紛嘅混戰但今日睇返 當年冇CG冇電腦虛擬由大導貨真價實 腳踏實地指揮一大堆人「混戰」那氣魄和能力令人震懾於浩瀚宏偉嘅場景之中仲代達矢對白不多只憑一雙大眼和圓周大小不一嘅一個O嘴便交代了懊喪 惶惑 悲痛欲絕 啞口無言嘅內心戲三十多年來每遇上傷心時刻仲代達矢無語問蒼天嘅表情便成為我心深處嘅夢魘一套電影要能成為經典恐怕就要有這種令觀眾終生不忘留下深刻印象嘅魅力

日本幕府時代爭霸劇，拍得出戰爭場面真實有氣勢，名家之作。

父親單純的願望: 安享晚年，把城主權力交給兒子們。結果得到背叛、屈辱、忠心跟隨者死盡！人的權慾、自私、亡恩負義實在醜惡!人物眾多，臨時演員數百人，馬匹近百，服裝武器不計其數，戰爭場面浩大，演員精湛，人物互動，莊諧並緻，令人拜服! 唯有功力深厚如日本三大導的黑澤明才能駕馭。這樣浩翰的真實場面，近代已不復見!

幾十年後再睇，絕對係百感交集。要講嘅野有好多，就由經濟講起。八十年代係日本稱霸，挑戰世界嘅年代，連 Die Hard 都講日本人買起嘅美國摩天大廈。就係泡沫經濟嘅背景，令到佢地嘅制作條件比其他地方優厚，喺哩齣戲就睇倒當時嘅財大氣粗，最華麗嘅 costume 同 set, 用古蹟同搭景制做出日本戰國嘅味道，用人海嚟做畫布構圖，仲要睇得出用咗長時間練習走位 rehearsal 。到咗二十一世紀初，風向一轉，日本衰退，中國掘起，出現咗好多黑澤明翻版，用錢去堆砌哩啲戰爭場面，但係水平自然差天共地，最好嘅例子就係幾百個臨記用追上馬跑嘅速道去滿山跑，中國版臨記連頭盔都戴歪。估唔到而家連中國都開始步日本後塵。之前中國電影嘅蓬勃亦都消失！當時黑澤明面對嘅，又未如我地所諗咁簡單。佢喺日本嘅支持，並冇被佢嘅國際地位所增加，相反，佢遇上好多資金來源短缺嘅問題。最後，佢都係靠佢啲外國粉絲電影人幫手。哩度又帶到令外一個話題，佢啲粉絲複製佢嘅作品元素。最經典嘅當然係 Star Wars 同 Godfather 。由黑武士同白兵嘅 design, 到戰爭場面同劇情推進，父子承傳權力鬥爭，都係受黑澤明啟發。當然，層次就差好遠。講番套戲本身，如果睇慣 Marvel ，可能會唔慣哩套劇情推進較慢，但絕對唔悶，反而好多文戲場面，角色間嘅勾心鬥角，睇得手心冒汗。用而家嘅節奏同結構，的確可以分上下兩集拍。上集拍三兄弟決裂，父親末路，下集拍王妃干政，諸侯弄王。中段父王發癲逃亡係有啲拖長，但係要帶出結局天意因果循環，都有必要。我最鍾意嘅黑澤明 signature 有好多，點晴式嘅血腥暴力係其一，故事選材嘅獨到，劇力萬鈞，挑角出色，吸引到一班出色演員班底，三船敏朗，志村喬，仲代達志都喺黑澤明手下發光發熱。亂係好勁，但並唔係黑澤明最高峯嘅時候，希望有機會再睇用心棒，穿心劍，七俠四義，天國與地獄，蜘蛛巢城，影武者.........

Setting靚，故事表達手法精警，演員出色，永恆經典係比現在CG導演也不能再呈現這種效果，要在戲院看。