極闘9 龍月亮

一套以極低成本製作而成嘅獨立電影。集黑幫、愛情、槍戰、動作、非法賭場、温情、愛情....等等不同元素嘅電影。由於極低成本，加上業餘制作， 骨幹人物Sam哥訪問中都承認本身冇受過正規訓練，加上財力極度有限，所以電影中你會發現各方面同你睇開嘅正規電影有好大分別，既冇精緻服裝道具，亦冇專業收音、剪接、燈光同攝影，更冇天皇巨星助陣，有嘅只係一班對電影有熱情嘅人嘅努力同堅持，值得支持同讚賞！👍論電影質素的而且確各方面都有不足，但正正由於並非專業，所以拍出一般正規電影見唔到果種raw味、土砲味同玩味(好聽啲叫Cult)，而故事同劇情亦好似侵侵咁不按常理出牌，你會估唔到佢竟然下一步會咁！所以，當你知道其製作背景，改以另一種心態去欣賞，亦有其樂趣。😅Anyway, 一班人有熱情嘅人喺無資源下為興趣為理想去做一件事情都係值得欣賞同支持嘅！👍主觀地我覺得套戲有佢過癮之處，不過客觀嚟講，以戲論戲，電影中有啲沙石又並非資源問題，而係劇情編排同剪接唔夠流暢，有點凌亂，有時有劇情唔連接情況出現，所以唔會比電影好高分，呢方面下次要多加留意。不過末段大厦內槍戰音效又做得出乎我意料地好喎，砰砰聲清脆利落，印象深刻，我幾like。希望下一集有更新嘅手法同题材。PS.• Sam哥做一個仆街都幾入型入格！🤣👍• 我只睇過上一集極闘11-零下八度同今次呢集。個人比較喜歡上一集嘅題材同製作水準。

結尾真係埋得好靚支持香港電影！Sam哥好嘢！