撞鬼遇到愛

如題，大部分時間氣氛都係輕鬆愉快，驚嚇度不高，觀眾可以開開心心睇到完場。4.6/5 （91分）

大路人鬼情故事，以泰菜形式奉上。滲入咗泰國傳統文化，睇落有啲新鮮感，但呢套唔係恐佈片，0%驚嚇，大家唔好唸多咗，係一套關於鬼嘅愛情喜劇。不過泰國喜劇一向都唔係太好笑，只能講係輕鬆，只有幾個位相對較好笑。而愛情線都算合格。全片最吸引我係女主角，清純甜美，Cutie可愛，又帶點楚楚可憐，令我觀影投入度大大提高😍。男女主角表現一般合格。整體中矩中矩，合格以上，一看無妨。

泰國鬼片氛圍真係做得好好，要驚嚇真係可以好驚，不過多數泰國鬼片都走喜劇路線，呢套戲算是兩者能兼顧到。其中有一幕有個男觀眾嚇到大叫，而場內亦不時傳出笑聲。.可惜整個故事太簡單，沒太多支線支撐，本身睇得開心，但去到中後段開始後勁不繼，只覺劇情進展緩慢，似是夾硬將90分鐘的片長拖到120分鐘，反而扣分。.男主角看起來有點像佐治aka張明偉，中段一脫有亮點；女主角無論外在或角色也有點平平無奇，反而男女配角好有喜感，甩頭爆腸玩極都仲笑得出！.觀影平台: Premiere Elements.IG : AndyMyFilmography/ #AndyMovieReview

比起《第151個朋友》同《全職乖孫》，我認為《撞鬼遇到愛》失色不少。首先係主旨無咁明確，《151》同《全職》睇落個教育意義非常大，比觀眾好多思考空間；但《撞》故事比較普通，睇落好似無咩比觀眾帶走。當然《151》同《全職》水平實在太高，而且並唔係所有戲都要咁有大道理。《撞》成個故事笑位雖然唔算好笑、而最好笑嘅兩個男拍拖橋段都偏老土；支線比較散，起承轉合個轉：男女主角鬧交個位有少少突兀。但整體故事無咩伏位，亦欣賞佢雖然玩靈異元素但知道自己定位係愛情片，無好似《月老》咁，尾段加埋啲有個法師要收左佢之類嘅野。專注愛情片令套戲個結局我係幾鐘意，算係平實中帶點驚喜。總結套戲算普普通通，但女主角實在係幾靚幾可愛，男主角都唔係咩靚仔但身材都無得輸，就連另外兩個女配、男配都係俊男美女，顏值真係唔洗講野！同埋近年泰國可能社會更開放，今次有幾個LGBT角色都幾搶眼，加入套戲都幾夾，唔算好左膠！

在有限成本以下表達出有趣而感人。的橋段，開首有點悶，但劇情表達有吸引力，有種倩女幽魂的感覺，很淒美，看完感到這套果然真的要入戲院。