蠟筆小新劇場版：外星人噼噼怪來襲！！

“蠟筆小新”呢套作品,我就從來都未接觸過,對故事背景同角色都完全吾認識,只係睇完個預告片之後,覺得好有興趣,好吸引咁,所以就入左場睇。 睇完之後,我覺得以動畫嚟講係好睇嘅,仲比預期中好好多,估吾倒呢套戲同其他動畫吾同,佢想表達嘅嘢就好似香港兒童嘅問題,雖然呢套戲想表達嘅嘢好似好簡單,但套戲所探討出嚟嘅問題就好值得我地去關注。 由於我未睇過“蠟筆小新”嘅作品,所以對呢套作品嘅角色冇認識,呢套戲嘅角色,我覺得設計得非常好,每個角色嘅性格都好突出,每個角色都非常吸引,角色方面就好滿意。 呢套戲主要嘅内容就係,有外星人落咗地球,個外星人令到小新嘅父母變返咗做個細路,呢套戲主要嘅目標就係要令小新嘅父母變返做大人,既然呢套在戲有外星人,咁有咩大分别？？？我覺得最顯明吾同嘅地方就係畫風,人類角色就係用蠟筆畫,而外星人就係正常動畫嘅畫風,兩種好吾同畫風嘅碰撞,真係幾鍾意。 小新呢個角色就係一個非常自由嘅角色,而戲中另一個主角外星人“噼噼怪”就係一個受阿爸束縛,香港嘅兒童經常受到“怪獸家長”嘅束縛,戲中嘅“噼噼怪”就好似香港嘅兒童,“怪獸家長”呢D問題真係好應該要關注下。 配音員我覺得真係配得幾好,廣東話嘅對白真係好好笑,成套戲都冇悶場,笑足全場,配音員真係要讚下,廣東話嘅配音真係加咗好多分。 呢套戲嘅角色、劇情、配音都好好,整體都好滿意,呢套戲算係近期比較有深度嘅動畫,不論係咪粉絲,呢套戲都推介,粉絲睇呢套戲應該幾滿意,最後提提大家,套戲最後有彩蛋㗎,睇埋先好走呀。

比想像中差，劇情和配音一般。

雖然都係無日語原聲香港配音都做都吾錯

配音有少少差 不過還可以啦

以外星人作主題的劇場版雖然不是第一次，但這一集有點不同，教育味相對比較高。很多父母也把自己的小孩變成自己的扯線木偶，永遠要小孩聽自己話，不接受小孩有自己的思想~~但其實成長不就是要碰碰跌跌，從每次的失敗學懂長大嗎？？成長從來沒有說明書~~~~沒有故定的指引。p.s.成為2017小新電影的香港版首批觀眾，真的太開心了~~

我覺得比我預期之內更好睇雖然粵語配音唔係好好聽 但係都係一套好好嘅電影 有好多笑位有時亦都會有廣東話鮮明嘅笑話我諗發片家一定好鍾意蠟筆小新 我係蠟筆小新發燒友所以好鍾意但係如果下次唔係粵語配音會更好呢個故事入面都有講到父母同子女嘅關係 所以都具有教育意義 亦都有講友情好題之作