狗陣

個人覺得這套戲很好看，我會形容這套戲有一種蒼涼的格調，而加上彭于晏內斂的演繹，令這套戲更有層次。講真，這套電影並不是什麼主流的類型，但個人卻看得津津樂道，因為這樣充滿蒼涼和頹廢的設計，感覺已經很好，加上管虎導演用獨特的鏡頭處理手法，更令這套戲的質感更豐富。而故事內涵也有其深度，我喜歡管虎導演用北京奧運作為這套戲的時空背景，更能襯托出這座邊緣城鎮的感覺。當然，戲中那隻黑狗和賈樟柯的客串演出也大大令這套戲昇華不少。但如果這套戲是黑白調，感覺會更好，因為這樣更令整套戲的輪廓更深。痴·影·夢·藝 X 的專頁 https://www.facebook.com/ckwunmovie/

"Black Dog "電影中二郎家中有"The Wall" 🧱 海報，二郎電單車上有Pink Floyd 名字，電單車也裝了卡式帶播上Pink Floyd 音樂，二郎好友用木結他彈奏了一少段Pink Floyd 音樂🎵🎶，不知導演是不是Pink Ford 迷🤟？？Black Dog like a Road Movie 🎬

導演管虎是個人感覺是位才華橫溢的電影工作者，而這部電影則覺得感染力不足，未能刻畫出社會發展、大漠蒼涼、老百姓無力感，遠遜於另一部“八佰”。感覺導演/編劇以狗隱喻老百姓的遭遇，這一片遠遜色已成絕嚮“大象席地而足”。管虎普通作品。男女角可有可沒，彭在電影說話不足10句，又沒有足夠他鏡頭特寫，這反而成為電影障礙物。

我睇過攞過諾貝爾文學獎大陸作家莫言嘅《紅高粱家族》，當中提及喺八年抗戰期間，老百姓逃難，丟下大量家犬成為野狗，變成一群群反噬人類嘅嗜血野獸！初初以為電影以2008年北京奧運前夕為背景，戈壁沙漠旁小鎮赤峽因為追唔上現代化，居民逃往城市謀生，邊境變得荒蕪，被遺棄嘅家犬為咗求生，野性暴現，威脅留下來嘅人嘅生命財產，而二郎（彭于晏飾）加入捉狗隊為民除害⋯⋯點知電影完全唔係哩回事，係我諗多咗！野狗群喺電影只有兩幕大陣容出現，但都冇對人類帶嚟直接威脅，所以我唔明點解電影片名叫「狗陣」！？？但睇返電影英文名Black Dog，又令我諗起二戰時英國首相邱吉爾患上抑鬱症，每次發作，佢就話自己遇上black dog，於是我又諗唔通講抑鬱症？咁又真係好多角色都抑鬱，二郎坐完十年監，回到故里，人面全非，好抑鬱；老爸兒女離開，好抑鬱；萄葡人老珠黃，好抑鬱；無主黑狗被追捕，好抑鬱；成個礦業小鎮經濟衰退，所有鎮民都好抑鬱⋯⋯套戲講哩啲black dogsssssss？最後結尾，銀幕上打出「送給重新上路的人」，啊，管虎幫中央政府拍官方宣傳片？而家冇咗城市戶口同農村戶口之分，大家唔好做「釘子戶」啦，唔好阻住國家發展，國家要收地收樓，唔該死開死遠啲，上路啦你哋！！！電影說故事能力唔高，零零碎碎，似係一堆片段剪輯而成。寫情方面，人狗情、父子情、男女關係、小鎮恩怨情仇、兄弟情、新舊交替、發展與傳統間嘅矛盾⋯⋯都係浮光剠影，點唔到都即止，冇深度亦冇為觀眾留下深刻印象！大西北除咗荒涼，完全冇「西部片」去開發去開荒嘅積極性，電影沉鬱故事沉悶，冇紀實嘅深入，亦冇故事嘅趣味，反映現實唔動人，寫情唔感人，失望之作！

我相信人狗故事只係面果浸，內裡重有一啲導演想隱喻嘅嘢，但唔好意思我唔 exactly get 到囉！全片劇情零碎、表達手法同用色冰冷，好多細節同背景都冇交代，有啲一頭霧水感覺，亦令人狗故事變得毫無情感可言。全片如果冇咗彭于晏都唔知重有乜賣點，而彭于晏嘅角色設定亦係奇奇怪怪，莫名奇妙。電影整體沉悶冇追看性，亦非雅俗共賞，觀眾投入唔到，屬導演拍嚟比自己睇果類。

男主角與英文片名所指的黑狗有種同病相憐，一樣被人嫌棄。不過有不算真的太慘，至少有人幫，有女鐘意，有能力要留狗。所謂的壞人也好温柔。兩次影證件相好明顯明白兩者之間那種相似命運。監牢出來又是另一個籠。整體沉悶，彭于晏也不太吸引。