求救眨眨眼

小島逃脫題材不算新鮮。上半場鋪排懸疑還可以，一步一步推落去，但下半場解謎、驚嚇戲肉編排凌亂同牽強，技巧亦不足，又好似cult cult 哋咁，只能大約get到佢個結局想表達啲乜，但細節就難解。演員陣容亦唔吸引，演出只屬一般。戲名喺戲中有提及過，但感覺唔到同個戲有乜關係。

如題，前半基本上都幾悶吓，在島上有各種異樣，但前搖過長，到後面真相揭曉就開始精彩，好快就開打，我以為佢地會隱藏耐d添~4.4/5 （87分）

唯一優點，見返啲老友，知道佢哋近況：1. 鬼眼天才童星Haley Joel Osment外表走晒樣，淪落到要幫演技十世都追唔上佢嘅Channing Tatum做配角！2. 斷箭行動Christian Slater後生時戲裡戲外都係壞孩子，早20年比Tatum更適合做Slater King！3. 末路狂花Geena Davis，自古美人如名將，不許人間見白頭，年青時風情萬種，比本片女主角更有令富二代念念不忘嘅說服力！電影最大敗筆有兩個，選角和劇本。女主角Naomi Ackie完全唔靚，冇吸引力，說服唔到觀眾超級富豪會為佢處心積累整整一年，要對佢進行二次傷害！起碼搵同片Adria Arjona做女一，觀眾會較容易接受。其他女角都冇俾人誘拐至小島變態性侵一段日子嘅魅力。Tatum演技同外型都遠遠比唔上曾演同類角色嘅雷神Chris Hemsworth。其次個劇本好犯駁，懸疑？仲差過金田一！驚慄？茄汁唔多，jump scare都冇！個設定係有「忘情水」同「解毒蛇汁」，擺明搵嚟噏，志在帶出既然冇得forgive不如forgot哩個信息，故作高深嘅低層次bullshit!個阿婆幫富豪打工，見盡佢哋多年嚟喺小島上壞事做盡都唔揭發，做乜又對女主角又red rabbit又蛇汁咁幫忙呢？最後死咁多人又豪宅大爆炸大火咁，點收科又冇交代，啲警察死咗去邊？咁多富二代居然只得一個前海軍陸戰隊成員做保鑣，咁慳皮呀？佢哋買個小島都係為咗做毒窟淫竇啫，咁有錢要受害人忘記被性侵大可用錢攪掂（事前講好數，事後補償都得），使鬼攪大龍鳳咩？女主角最後掌握忘情水竅門就等於可以將富豪變成傀儡，仲有埋操控跨國企業嘅管理能力？真係鬼扯呀！我知無知和善忘係「恩賜」，但荷里活唔好當觀眾係傻福得唔得呢？

電影有追看性，劇情中有很多奇怪又未能解釋的地方，例如消失的污漬，晚上草地奔跑，宿醉後斷片，詭異管家等等，最奇怪係又煙又酒又毒竟然無性？！電影沒展示的時間線當然是關鍵，後段漸漸步向真相解釋之前一堆問號，而追看性未有因此而減少，剪接及編劇之巧妙應記一功。.電影怪異風格又幾Cult，看到中段知道政治正確，但無阻血腥爽片吸引力。純粹個人觀感，電影好多女主角Close Up，望到佢對門牙，我以為管家叫佢兔仔係呢個原因LOL。最後想講，首次執導的Zoe Kravitz是新版蝙蝠俠的貓女，能夠拍到一部Cult得黎又唔賣弄色情畫面的電影，值得一讚。.坊間傳聞話套戲得罪左啲富豪，所以電影宣傳急刹，好似有人對號入座喎。.觀影平台: Premiere Elements.IG: AndyMyFilmography/ #AndyMovieReview

故事比較拖，要去到女主角醒覺有不妥開始先有一些大動作，之前明眼人都知上島是問題。頭大半亦各位女演員一齊紛紛入睡，即便有些奇怪未能解釋的情況但對劇情無多大提感。清醒後女主角要扮被落藥是稍微令氣氛鬆一鬆。最後的反殺算是可以，收尾正常亦乾脆。今次黑人女主角自編導自演出，之前曾經在《蝙蝠俠飾演貓女，還有不少電影留下深刻角色。不過諷刺的是亦可能「權力」過大，導致要帶觀眾享受這個靚島有點困難。演員轉跑道成導演不是易事，第一套作品就佳作就不用專登讀導演啦。音樂的處理是幾恐怖，突然間切變不會覺得破裂，再放大各種不安音效，就像登上龍宮島般發現問題所在。結局或許是高級反串，報復男人就是用讓他變成自己奴隸。概念吸引，不過呈現出來就一般同易估。雖然開頭很快上島，都知島上有不尋常，但實在等太耐先有大事發生⋯⋯

估唔到呢個題材，晨早要拍呢種啦，好睇