真假佈局

改篇自西班牙電影死無對證，其實佈局好睇懸疑，不過睇過原作知道哂d劇情就無咁刺激了，如果無睇過原作會俾5星

故事橋段甚至細節在前段基本上大部份一樣，但結局處理有不同。韓版拍得也十分好看緊張，未睇過原版的絕對會有驚喜。看過的也不介意再一次回味這部十分精彩，當年評價甚高的電影。但千萬千萬不要被劇透，你一知道少少劇情已經冇咁好睇，慎入。

故事，演技，配樂，張力…都符合高水準之作，強烈推薦。

從來對日、韓懸疑電影都頗有信心，今次懷著期待的心情飛的去睇戲…電影一開場，立刻進入故事，懸疑佈局立刻展現，一直被劇情牽引著想知道更多真相，幾個案件疑點的轉折位，被女律師查証後的解説，都覺得非常合理，在劇情發展時其實也感到一點點的蛛絲馬跡，自己就是沉浸在劇情的發展而忽略了，後再經女律師把疑點捅破，案情背後的真相便似乎一一的浮現，電影前段實在看得津津有味。但在電影最後的三分一，案情便開始轉向另一更大的迷霧中，但鋪排上卻太明顯，看著看著便已猜到真相，最敗筆的便是結尾有點草草收場的感覺，可惜可惜。但整套戲主要劇情都在一房間內發生，再加上少少幾個角色便能拍出整套電影的故事，日韓懸疑電影水準仍是不失信心，值得入場，我覺得四星也值的了。

劇透慎入！！！成個結構同佈局都正邏輯嚴密劇情既推進流暢劇情反轉再反轉最後結局都好， 就算搵到架車同條屍都未必告得入，比你搵到支士巴拿但無指紋都9成脫罪， 反而死者父母己經100%入罪。覺得正義迴廊好睇既唔該睇下呢套， 完全兩個層次。不過未到滿分， 我覺得套戲太睇少資本家既實力， 請個辯護律師番黎會未見過咩樣就請佢入黎咩都講哂比佢聽， 當然你話咭片就己經證明到。 另外兇手己經前後殺左三個人，做事唔會留手尾， 理應心思細密。唔應該只靠運氣睇到個簽名先揭發到律師係老母，又因為運氣個老母走唔甩， 呢段係少少kick. 反而如果設計到d對話 兇手傾到中後段都 chok到個律師唔係律師既話 咁會合理d。 當然都明白如果一開始比兇手發現係佢老母，咁後面果part都完全唔駛拍， 呢個就真係考編劇個心思。但總括黎講好睇， 完全係唔同層次， 但香港人好似前世未睇過戲咁比正義迴廊滿分， 呢套就冇人去睇冇人留言。🤣