復仇母親

個人覺得套戲是不俗，導演在描寫和著墨的處理通上是可以，故事結構像 親愛的 和 失孤，但這套卻在演繹上是比兩者為好，愛姐今次在演繹上的的確可以令觀眾感受她面對的痛。尤其是首三幕。其實我覺得現階段的愛姐的確有這樣的爆破力。而角色的設定和推進又令她有所昇華，這樣的爆破力在韓國女演員中是少有的。而在故事上，個人覺得導演處理大致可以，可以寫出人為利益而變惡和韓國農村警黑鄉勾結的情況。而當中我喜歡戲中這個最邪惡肥佬的演繹。痴·影·夢·藝 X 的專頁 https://www.facebook.com/ckwunmovie/

故事情節平舖直敘，大長今整套戲只有落魄+悲傷表情，這也難怪。本片沒有韓片一般的細緻煽情，劇本太普通，導演不見功力，平庸之作，不要有太大的期望。

因為李英愛所以入場，成績只可以話係中規中矩。劇本其實係有心機寫，但可能係題材問題，比較難拍得好。入面都有D煽情位，會令人咬牙切齒，恨不得將壞人痛毆一頓，可惜劇本有唔少犯駁位，令人覺得脫離現實，心諗咁都得？ 咁我都覺得值得入場，近年韓國片水凖越黎越高，呢套我俾 75 分。

前段確實係有啲悶，舖排用咗唔少時間。尾段刺激都多，劇情進入緊湊，但得半小時左右。愛姐做癲婆做得唔錯，影后即影后。佢做到乜都無，人無後顧之憂嘅瘋癲。

報應既嘢，你同我都估唔到，殺人填命冤魂纏身，總有一天來敲門！唔好太得戚。李英愛係地表上最好演技的韓國女演員，佢揀得既劇本，一定水準頂級，故事鋪排錯綜複雜，製作認真，拍攝及演繹手法選取淡然，並不是一貫韓式電視「傻婆搵仔失心瘋」模式。真係咩都一流，暱埋眼入去捧場實有賺。最震撼係淤泥搵仔，人生起起伏伏盡在幾秒鐘來回地獄人間⋯⋯除左李英愛神級演技，所有配角都演得太好，尤其隻肥嘢雞姦犯、貪威識食黑警阿頭、潑辣心虛大媽警嫂，令觀眾置身案發現場，糾纏在主角第一身既困局，希望來臨又跌入失望深谷，非常厲害！