007：生死有時

個人覺得套戲是精彩，導演在各方面處理也是精準而細緻。文武戲處理也是佳，角色描寫也是高質。今集在各方面依然可以保持到近幾集的高水平。可以完美替丹尼爾基克版本的邦畫上句號。 丹在演繹上是高質，情感處理細緻而立體，比較之前，更可以發揮邦這份有血有肉的情感，這點我欣賞。 而技藝方面，個人也覺得是高質。無論鏡頭、剪接、場景處理、配樂同美術也是高質。由環球標誌接雪地開始（這點我很欣賞），到古巴魔鬼黨派對，到北歐追逐，再到最後北方四島對決的一段，也是處理好睇。HZ配樂依然高質，雖然今集沒如之前鬼影帝國中標誌性一鏡到底的場面，但今集在技藝方面絕不比鬼影失色。而在美設中也注入日本元素，這樣在富美感之餘又可以反映到導演的日本血統。而今集中也有位刻意去向以往邦致敬，復刻版DB、古巴中飲返馬天尼（在之前集數中邦只飲喜力）、對007編號獨特演繹、對M書桌的幽默，到最後奧米加磁力殺人方式，種種也是也對邦文化的致敬位。 展望未來，我相信未來邦系列依然有空間。最少由近幾集中對邦的過去同其情感世界的描寫的確幫到未來邦系列的發展。咁當然個人極為希望老蘭可以正式去接手，令占士邦這個老牌品牌更上一層樓。痴·影·夢·藝 X 的專頁 https://www.facebook.com/ckwunmovie/

今集算是007終结篇，007都有退出一日，但間諜路，不歸路，殺左人，命要還，没有退出的一天，是宿命。英、美、俄、恐佈份子同一路貨，為了自己目的，心狠手辣。電影情節如上所述的宿命，因果循環，都幾複雜。槍戰、飛車、肉摶、爆炸場面普普通通，觀感不及港產片。007曾是眾人的icon，星光燦爛，神勇神奇，但歸於平淡時，和普通人沒分别，是一堆數字。再見呀007！

重本動作特技場面設計出色，一定冇得輸，唔睇先至係執輸｡ 但羅渣摩亞之後冇一個演員能演活007形象同角色，令套戲似係一套個別嘅特務動作巨片｡ 現在呢個007有剛陽味，但接受唔到佢係女都會撘佢糖囉！🙄所以導演喺近幾套邦片風流“剔糖”方面著墨都少咗。公集男主角面容顯然係老咗，希望下伺007會揾到個更似占士邦嘅演員。Anyway, 今次呢套007係必睇嘅！

壯烈開場悲壯人生 06年皇家賭場開始一路觀影到宜家始終好唔捨得 人生得幾個15年 原班人馬全數回歸告別史上身材最型最man邦德屬於90年出世邦德 其實第三部如果完結結尾最正俄羅斯科學家其實係綠燈俠反派黃燈俠007號碼俾女 真係好傷心 今次內心中情緒最尾絕望唔講野一槍 等於 15年來真正完結

從未見過丹尼爾基格喺邦片中如此動情、浪漫、慈父、愛妻，加上佢年紀唔細，應該都超過50，今次演出搏晒老命，好令我為之感動，佢有個場景喺橋面上扯住條纜飛身跳下，或者係替身，但其他跑跑跳跳都唔係小嘢，佢可能認為今次係佢演007占士邦嘅最後任務，一定要瞓身演出。影帝雷米馬力克在戲內演歹角，係恐怖組織阿頭，可惜戲份較少，好似大才小用。另外女主角蕾雅絲端演占士邦愛妻瑪德蓮，一位醫生，年少時在家中目睹阿媽被殺，在嚴重心理創傷中成長，演出算中規中矩。但另一新進邦女郎安娜蒂亞瑪絲Ana de Armas，出場時間好少，但美艷性感，眼前一亮。整體而言，此片拍得十分好，日裔美籍導演福永丞次應記一功。呢套係第25部007電影，距離首部上映已將近60年，占士邦這個傳奇英雄特務，會否跟隨丹尼爾從此在世上消失？我唔希望會，亦相信唔會，因為在片尾長長字幕後出現James Bond will return. 嘩！真好，See you soon, Bond.

前段動作攝影均佳，中後段稍慢，結局完整