心動50年

不一樣的愛情故事, 情節平淡有點慢,😴 又因情節段時聚交錯, 感受不到老人家對舊愛的思念與年輕時兩那段激情。 兩頭不到岸感！但著筆帶出兩人來自不同化背景, 及原爆幸存者背負的包袱, 一個異地長大的日本女孩, 行為與思想完全触入當地文化,思維不再是亞洲人般含蓄, 但日本爸爸的執著, 女孩但仍順從爸爸決定回日本, 無奈地令兩個相愛年輕人分開達四十年, 沒有轟動的激烈愛情, 戰爭後遣症揀散二人

個人覺得套戲是可以，我會形容套戲故事結構可以但設定好古怪，好像好多元素炒在一起。其中最不解是套戲的時空點，我睇時很不明白，雖然片尾段有講，但整件事卻說不過，這樣無疑是影響我對套戲的觀感。而故事所觸及的元素也百思不得其解。如果想講珍惜眼前人，導演的處理的確過於婉轉。而戲中這個倫敦的感覺也好不真實。咁當然故事基本結構無問題，一個有失智症徵兆的冰島人，想在希望在他尚未嚴重前，去找回這位在倫敦邂逅的幾夜情人，這點我覺得導演的處理無問題。咁當然講演繹，大致沒問題，男主角演得好，而光希B也沒問題。老實導演的確比很多位她去演，這樣不出所料，講真，她是有潛力，可講到一口流利英語，演技也不太差，而導演也比一些比預期中更多的鹽花比男觀眾睇。總體來講，她也可交到可合格的水平。PS：不知如何，我特別會對戲中，那位酒店清潔人士有深刻印象。痴·影·夢·藝 X 的專頁 https://www.facebook.com/ckwunmovie/

3.3⭐前4/5係平淡嘅現實思念同回憶交替穿插片段。感覺篇幅略嫌長咗啲以至有點點沉悶感，就算有木村女捨身演出亦帶唔起任何劇情起伏。現實與過去劇情交替穿插亦並非新鮮手法，缺點係令觀眾不斷投入同抽離，不能完全投入一個完整同全面嘅故事/情感世界。後段加入中村雅俊果段戲有點奇怪、突兀同冇乜意義。直到尋回Miko才進入解謎戲肉。Ending我係接受嘅，算係一個Happy Ending。電影最大賣點當然係木村女啦！文戲表現中規中矩啦，不能要求太高，始終係新演員。不過有點奇怪咁年青就接情慾戲，呢方面嘅戲真係未夠火喉，動作場面只做到生硬嘅形，做唔到果種慾嘅感覺，同年青男主角亦擦唔出火花，各有各演，欠交融感。當然，導演處理演員同場口亦要負啲責任。整體電影感覺平淡敘事，入心嘅感覺就冇乜嘞！亦見/感受唔到乜嘢經歷令到男主角(或觀眾)心動足足50年....除咗開頭同木村女眉來眼去過幾次同後來木村女主動情挑過幾次。如果你硬要說呢個世界有一見鍾情，咁我就無話可說。不過此片一看亦無妨。

主要是因為女主角極高的顏值而看的，愛情故事雖然平淡，但是相當寫實，而50年後即使重逢又能怎樣呢？錯過了就是錯過了，回不去了。4.5/5 （90分）

高橋先生帶著美子這個廣島原爆倖存小女孩，離開日本，1957年遠走英國🇬🇧逃避歧視，為咗避免女兒生下畸胎，還主動趕走所有追求者，但日防夜防家賊難防，更何況青春期膽拖求戀期，自然到根本阻止唔到，最後（1969年）還是拖走女兒回故里，硬生生令有情人分開超過半世紀，又一場記憶與遺忘嘅鬥爭，最後還是忘不了，踏上lost and find嘅旅程，冰島🇮🇸倫敦🇬🇧東京廣島🇯🇵，終於相逢恨晚⋯⋯冰島導演浪費咗木村光希這塊美玉，為這麼漂亮嘅東方臉蛋附上任性不覊歐陸豪放女嘅性格，而不是含蓄內斂溫柔矜持羞人答答嘅日本嫵媚，那種欲言又止欲拒還迎嘅戇態，才是亞洲女性最吸引全世界男性觀眾嘅特點，而家同個性觀念開放嘅白人女子冇分別，眉來眼去一輪之後就擁吻，隨隨便便就上床，只有激情而沒有浪漫嘅柔情蜜意，好難說服觀眾這種獸性本能喺瞬間爆發後，可以持續心動50年！木村小姐得嗰21歲，自小喺狗仔隊包圍下長大，應該唔會有太多可以掩人耳目嘅性經驗，所以嗰兩場床戲顯得唔自然亦冇必要。其他方面包括英語和演技則自然流暢，沒有辜負父母悉心栽培和一直喺國際學校受教嘅發展。望著一對俊男美女卻擦唔出火花有啲失望，佢哋兩個一齊聽過John Lennon嘅歌，又討論過John和Ono嘅裸照，導演似乎想將美子和基斯度化嘅戀情，比作連儂和洋子嘅變調，但太過模糊，唔覺有乜效果喎。最後見返本木雅弘同中村雅俊好開心，尤其係後者，本人年青時睇過佢喺日劇飾演年輕英文教師，嗰口英文聽死人，唔知噏乜，今次發現佢大有進步，同冰島🇮🇸老演員對答如流，證明終身學習和可持續發展真係work㗎😱😱😱

難得地呢種電影有個算好嘅結果，成套戲劇情都係緩慢，但都舒服同唔會覺得悶，生命中雖然有遺憾，但總算有個美好結局，感覺係暖心嘅。