無價之保

個人覺得套戲不錯，喜歡導演去處理勝伊同（爸爸）之間情感處理，的確有些位是感人，咁當然成東鎰同朴昭怡的演繹也是幫到套戲，但略為覺得他尾段太韓式狗血。個人有點兒不舒服。而字幕上用首爾而不是漢城（因他時間軸是93年，應該是用漢城，不是用首爾），這點上個人也是扣分的。痴·影·夢·藝 X 的專頁 https://www.facebook.com/ckwunmovie/

韓片成功方程式之一：前段劇情讓觀眾對角色建立感情，舖排結尾煽情催淚。這部電影是蠻成功的，前段大放笑彈，跟「湊女公」一同看著「擔保」成長，建立深厚感情後洋蔥放題！套路沒有驚喜，不過劇情幾新鮮，由冤家變成至親，有笑有淚無悶場，幾好睇！劇本之外，演員出色亦是好評原因，首先要讚小童星朴昭怡，外表甜美可愛，做戲唔造作，笑戲喊戲都有感染力。男主角成東鎰的大叔外表與暖爸性格行為反差爆出笑位，跟金希沅拍住上亦有不少過癮又搞笑的對答，營造歡樂氣氛。何智苑飾演長大後的擔保除了靚女，亦負責放洋蔥，結尾兩幕都睇到我眼濕濕！Follow IG: andymyf / IG #andymoviereview

典型的韓國溫情片《無價之保/Pawn》，一個關於愛與成全的故事，煽情煽得過度了，一部欲把你的眼淚全都催岀來的電影，從電影情節帶領觀眾代入到他們種種各樣千瘡百孔的人生。真的是為了煽情而煽情，這種片你又不能說它不好，小妹妹（朴昭怡）確實非常可愛演得不錯，但是 2002年已經在《我班friend好搞嘢》演大學生的河智苑，這把年紀仍然可以再演大學生就真是有點兒那個！從事不體面收數公司的叔叔，被用作「擔保」的小女孩，經過時間的洗禮，演變成為不似父女但又卻勝似父女，互相羈絆的親情故事。主角明明是個壞蛋，卻有著一顆柔情的心，明明是老找别人麻煩的人，卻為自己找來個麻煩，為了一個難以割捨的“大麻煩”，而奉獻上一生，不過亦都同時治愈埋自己的心靈，一貫的韓國親情電影，劇情極為老土不過，但前段節奏鋪排還算不錯，兩個收數佬與小妹妹嘅互動觀感尚行，製造出不少笑料與感人場面，而且小妹妹演得亦都有趣可愛，彌補劇情的不足，雖然情節極為犯駁，但感人的場面都蠻多的，好笑的場面亦有不少，好看既感動，若要求不高嘅話…也值得看的。https://m.facebook.com/tigermoviesfever/https://m.facebook.com/groups/157839185643505/https://opentalk.hk01.com/@tigermoviesfever/all

以這類扇情電影來講，可謂滿分。故事老土嗎？老土！但就是老土，才令人回味返那份很懷念的人情味。尾段喊個不停。

係又停戲院前，睇返套溫情韓片。呢套戲極力推薦，笑中有淚，既有溫情，又有笑位。妹妹做得好好，大叔果然好戲。搞到人不其然流淚，入場記得帶定紙巾。尤其尾段女主第一次叫大叔做爸爸果位，真係睇到人流晒眼淚。唯一不解係意外後竟無身份證明文件，叫家屬過嚟醫院。

日本大叔的愛，廢青從來冇睇過；但呢部韓國大叔的愛，居然令自問都算冷血動物嘅廢青，散場開燈當刻發現，原來一行二人嘅口罩都被眼淚濕到透晒。​​收數佬以專門找人麻煩為己任，偏偏遇著無力還債嘅母親，被迫用千金作為擔保。大耳窿衰心軟就大件事，明明係麻煩製造者，反倒將麻煩惹返上身。但世間每段緣份，情緣又好親緣又好友緣又好，緣份總離不開「麻煩」。呢份麻煩居然因為各種一波三折，變成一生羈絆，形成近來又一部「沒有血緣更勝血親」嘅戲碼。成東鎰飾演嘅大耳窿大叔，粗魯、笨拙，個樣惡死能登又得舖牛力，但甘願為一個毫無關係嘅小妹妹奉獻大半生，由擔保還債到撫育成人，你話有咩辦法唔為之動容呢？​​韓文講「擔保」二字，原來發音同廣東話相近，但此片竟然成功將呢個詞彙，賦予一份韓文中文都能夠解通嘅特殊意義。擔保你嘅安危、擔保你嘅成長、擔保你嘅人生之餘，亦擔保賺人熱淚。​​冇錯，有時就係要意外地來一碗俗氣嘅感動，唔該✋​