首相失憶了

踏入退休倒數階段，即使有多討厭自己一直以來在職場上的墮落無恥，但要在收成期臨近前撥亂反正，把數十年艱苦經營的心血推倒重來，真是談何容易。本片主人翁，日本第127任首相黑田，因一次意外喪失了部分記憶，將過去在政壇幹過的種種齷齪勾當，通通忘記得一乾二淨。首相失憶了，反而令到這位史上民望最低的內閣總理大臣因禍得福，尋回以天下為己任的從政初心。電影對日本政治生態的諷刺和反思，其實相當表面。黑田以權謀私、收受賄賂、對女秘書毛手毛腳、四處留情等渣男行徑，很多大機構內亦屢見不鮮。把首相角色換作企業高層，將政壇改成商界，絲毫不覺有任何違和感。數年前以首相為題材的日劇《民王》，作者借主角之口，在一場電視辯論中直指現今日本大學生面對的生活困局，情真語摯，擲地有聲，批判的力度可就「入肉」得多了。三谷幸喜監督的每一部電影作品，都先建構一個別出心裁的大框架，然後在觀眾意想不到的地方，爆發出連串荒謬絕倫的笑彈，因而贏得日本喜劇大師稱謂。不過，三谷導演的兩齣近作，上映中的《首相失憶了》，以及數年前的《銀河街道搞搞搞》，似乎遇到創作上的瓶頸。故事雖然一如既往有很不錯的構想和設定，實行的結果卻並不吸引，成績遠遜當年的《黑幫有個荷里活》和《搵鬼打官司》。從來，賺人熱淚容易，令人捧腹大笑困難；能令觀眾笑中帶淚，那是難上加難！

現代童話，輕鬆，唔爆笑，窩心，結局篇作文稍稍加分。

構想首相腦振盪後由衰人變好人，製造娛樂性笑料。從這角度看，本片是成功的。

評分4.5/5韓國電影一邊廂敍事搭景拍出一套奧斯卡，觀乎此片都係堅持過往日劇風格，追求劇味，圓滿講足百三分鐘，演技派既比足時間close shot。偶像派既比足時間chok。我個人接受呢種風格，睇開日本戲既人多數中意。1 日式幽默同最近睇《陽光兔仔兵》既黑色幽默有d接近，兩者都靠爆對白同誇張既表情，但亞洲觀眾都係易D明日式果種，少D文化涵養都仲笑得出。外國果D通常都一知半解，事後想搵返黎解又無咁好心機。2 點解話佢劇味重，因為根本又同濃縮版《愛回家》無咩分別，親情愛情時事友情咩都包晒，全部緊靠住一次失憶事件做骨幹，講個人獲得重生既機緣。我FB見過幾集愛回家講咩KC失憶，Terry變改造人之類，其實一連做兩三集呢D夾埋已經可以係一套戲。3 當然套戲政治主題始終比其他主題稍稍佔多少少，但我建議觀眾唔好將現時既政局套落電影度，對官員有D咩幻想。畢竟無幾多個人身陷官場仲識得無啦啦反思自己，選票只係一個促進政客功利思維，誘使佢地向選民負責既媒介，何況港人既意願同官員既任命零關係，可能真係要佢堅失憶，先有機會改變行事手法。4 好明白「從政既理想只係想係政界盡量生存」既想法，其實換句說話黎講即係「打份工」，最好長做長有。其實有D工作根本唔可以用「工作」黎稱呼，係需要有社會工僕既心理預備，政治當然係其中一個例子。淨係唸點係上流官場打滾富貴過日子，最後成個社會一齊受害，可惜官場就係如此，真係要「放棄一整代官員」再由頭教育起公民責任，有時我作為平民，與其望天打卦等個首相失憶再良心發現，不如我自己失憶好過。5 配角雖然都係閒角，每人負責下D誇張搞笑既橋段，但都發揮得好，調控成套戲既節奏，令故事錯落有致。係有時有D爆點唔夠出，太快斷，例如用高爾夫球出貓趕部長落台，大部分觀眾都未笑得切就過左場。6 有個位劇本上唔合理，如果首相第一晚訓覺就回復記憶，又點會咁遲先發現邊個同佢老婆通姦呢？又點會唔記得個仔叫咩名呢？7 首相勁似瘦版習近平，同時部長都勁似瘦版特朗普...

一係信，一係唔好信。

三谷幸喜的作品一直以來我也十分喜歡，個人就特別喜歡揾鬼打官司和清須會議。當然三谷幸喜對上一部作品銀河街道我自己就不太喜歡，但當他推出一部全新作品，我也是蠻期待的。 這部電影對比三谷幸喜以往的作品的確沒有這麼好笑，但我認為這部電影也保留了一貫的水準。 提到日本政治喜劇，相信各位也會聯想到民王這部作品，兩部作品也是講述一位民望低的總理大臣(首相)執行新的政策，從而挽回民望。或許這部電影不是很好笑，不像以往三谷幸喜的作品那麼瘋狂，但這部電影絕對是一部會令你看得開心看得過癮的電影，最重要的是看完這部電影會有共鳴。 這部電影我也十分推介，三谷幸喜的粉絲定必要留意。