一家人大戰機械人

動畫片長接近2小時但完全沒有悶場，充滿歡樂氣氛而且甚有意思，我非常喜愛！劇情主橋是講人工智能叛變，一家人除左對抗機械人拯救世界，當中亦帶出家人之間相處以至關係維護，以及人類對智能科技的過份倚賴。非常貼身的議題，絕對適合任何年齡層的人士觀看，大道理好多人都知，但好多時都被遺忘，看完動畫相信大家有所反省及得著。.我幾欣賞動畫中每個角色設定，女主角喜歡電影創作，在好多人眼中是個怪胎，但遇到同路人就知自己一啲都唔怪，仲令故事情節表達上更富創意。細佬對恐龍的喜愛都充滿童真，打電話搵人傾恐龍以及面對鄰家女孩表現怕醜睇到會心微笑。爸爸媽媽以至寵物狗，機械人以及科研創辦人的設定亦立體或獨特，令觀眾睇得更投入，更有共鳴。.另一方面，動畫畫風加入真人元素以及大量插圖，竟然毫無違和感反而增強了戲劇效果，讚好！未知是否有古生監督的關係，動畫廣東話配音配得幾好，雖然同中文字幕有出入，但聽起來更順耳。.觀影平台: Netflix.IG andymyf / #AndyMovieReview

今日終於睇左Netflix 老闆投資的一家人大戰機械人，我睇完之後覺得個故事其實同我們現今社會一樣，啲人每日機不離手，同家人朋友食飯行街聚會也機不離身，其實真是很破壞氣氛，亦傷感情，其實手機只是用來消谴娛樂的東西，如果你對住家人或朋友24小時都用手機或電腦的話，那實在太不尊重對方了，家人同朋友是亙相溝通的，人跟人直接對話的橋樑，而不是手機跟家人或朋友直接對話，所以不要時常做底頭族，應多尊重你的家人或朋友🥰