人間蒸發株式會社

個人覺得這部電影不俗，我會說，這部電影可以細緻描寫出日本深層次的社會問題。日本作為世界上其中一個在不同體制上也高度壓迫盛行的國家，無可避免會產生一批所謂的失敗者，而這部電影可以描寫出這班失敗者，藉著別人的幫助出走，用新的身份在別地重新生活的故事。個人覺得兩位導演的整體處理是到位的。雖然這部電影不長，但在敘事技巧的處理上不俗，可以描寫出他們各自的經歷以及這個行業如何崛起。從而可以令人對日本有不同角度的了解。說真的，我在這部電影中最深刻的應該是那位因敗了家業，產生內疚而選擇拋妻棄子，選擇出走的故事。個人覺得這個故事可以反映出日本當下仍然存在，過於計較成敗得失的傳統文化。痴·影·夢·藝 X 的專頁 https://www.facebook.com/ckwunmovie/

新聞紀錄片，講述一些人因某原因脱離原有生活圈，到一陌生地方苟且活着，心裡滿是恐懼和自冤。作為電影來說，沒甚娛樂性。個人相信這命題大部分地方都存在，可能成因有差異，期待中國版的出現。

藝術版新聞透視，探討日本社會特殊議題，並非一般戲劇，有興先好入場。冇嘢要補充....講完。

幫委托人蒸發嘅搬屋公司其實唔一定夜間出動，總之係幫人喺最神不知鬼不覺嘅時候離開追纏者，逃避錢債、情債、家庭、怪獸家長、家暴、社會或公司壓力⋯⋯於上世紀九十年代日本經濟泡沫爆破後流行，日本人雖然有寧死不辱嘅傳統，但唔係個個都有勇氣去自殺，於是「逃避雖可恥但有用」，結果受惠於該株式會社嘅有一啲會投身該公司，幫返啲同是天涯淪落人。不過電影都唔係淨係講嗰間公司，亦有兩條線講吓啲自己失蹤多年人士嘅心路歷程，同埋講吓啲幫家庭搵失蹤成員嘅人嘅工作。整體嚟講冇乜戲劇成份，似係一半紀錄片一半真人騷，感覺啲「受訪者」係演員，逃避多年（最長37年）又點會出鏡呢？起碼都仿效日本AV打格仔/馬賽克啦！總結：唔算好悶，未睇之前非常之好奇，睇完之後覺得唔睇都冇損失！

日本咁大，自己想失踪都幾難搵得番。換過部電話和SIM card，即可人間蒸發。相對香港太細，要搵番唔太難。大陸仲易搵，咪以為大就難搵，人民冇私隱，全部實名登記，電子支付消費，電話GPS行踪，想䁥埋都好難。除非唔消費，唔用身份證，唔搭車出行，唔用手機。呢套係紀錄片，真人出鏡，人間蒸發各有前因和難言之隱，也不是甚麼大奸大惡，都是欠債，爛賭，被家暴，被欺凌…逃避自己或冇面面對家人朋友，所以選擇出走。可以一走幾十年，杳無音訊😔。生活當然不好，像流亡，但又不是太差，即使做貧民，露宿者，像日本這樣先進國家，都有底線。電影剪接比較零碎，由負責帶人離家出走，替人半夜搬屋的公司老板娘帶出故事。電影冇批判，冇立場，不煽情，但也有感動位，是真正的紀錄片。睇完有inspiration👏。

似日本版《鏗鏘集》，幾個主人翁故事都拍得好散，又好唔深入？可能要保護返當事人？我睇導演場好多野要導演講返先知。以為有咩驚天大秘密搞到個人會選擇失蹤，但睇落又係平平無奇，極度普通。有幾段悶到瞓著左，真心幾好瞓；好睇個兩段又唔深入訪問個主人翁，感覺套戲比人吹大左少少。