分貝恐襲

手足之情，同抽生死籤好感人

電影雖以恐襲為主題，而個人感覺最動人的是“兄弟情”~親兄弟及軍旅兄弟，當人如男角般場合，只能堅定自己信念~两害取其輕，但話雖如此，活者只是比死者更多受痛苦。韓國電影在刻畫人性方面勢利深刻，打鬥方面乾脆利落，愛國情懷永遠忠於人民，對當權者腐敗行為絕不手軟去揭露、抗暴。個人感覺片中那個記者角色不是協調，有生硬感，起不到副線作用~情節更豐富，導演或希望電影多些喜劇感，少些剛陽。韓片迷，可以一看。

分貝炸彈恐襲只係配角，主角係潛艇災難同埋之後嘅道德兩難問題。副長同兩兄弟仲有全隊軍人嘅感情描寫得好細緻，有效帶動觀眾情緒。4.5/5 (90分)

故事其實冇乜新意政府隱瞞真相帶來怨恨於是高智能復仇者經年策劃 悉心安排下一幕一幕扣人心弦 以恐襲包裝外表 傷及無辜嘅報仇行動 便層層遞進展現在觀眾眼前往事和今日雙線交替扭動 導演說故事能力很好劇情緊張緊湊沒有冷場 觀眾冇喘息嘅空間類似題材荷里活和九十年代香港都拍過以特技打鬥而言 哩套不輸美國當然青出於藍 遠勝曾經嘅師父（香港電影）不過南韓人不致於拾人牙慧 人拍又照住跟住拍加咗佢哋嘅文化特色 推陳出新於是雖然內容熟口熟面 但我還是甘心付鈔捧場感動位很多 軍人視死如歸慷慨就義 好有男子氣慨兄弟之情 手足之義 男人嘅浪漫父女夫妻之間捨命相救嘅親情 血濃於水記者追尋真相鍥而不捨嘅專業精神雖然有啲堆砌 有啲造作 但仍然感動 因為誠意⋯⋯最後 一年將盡 但願世界和平咁就冇戰爭 冇陰謀 冇武器 冇軍人 冇隱瞞亦冇哩個/哩類故事你可以話我老天真 但我並不是唯一會發夢嘅傻瓜

本片戲份主要集中在兩個人物：前韓國潛艇副艦長姜度永（金來沅飾），姜前潛艇下屬全泰盛（李鍾碩飾），本來兄弟一場，因為潛艇意外之後，艙內缺氧，要抽籤定去留生死，泰盛有弟泰隆（車銀優飾）抽得死籤，因此與姜結怨。艇上抽得生籤者被救後一年，成為國家英雄的姜收到多次匿名恐嚇電話，聲稱在多處公眾場所及姜與另一艇上生還軍官家中設置音爆炸彈，聲音超過某分貝，炸彈即刻爆炸。為此姜拼老命找出兇手，過程非常緊張，但到電影中段時觀眾已知真兇是誰。所以戲後半部就係解釋凶殺原因。電影故事中遇事潛艇上有44人，抽生死籤，只能一半即22人可獲救生還。這令我想起上世紀60年代有本著名小說 Catch-22( 第22條軍規，亦叫坑人廿二），諷刺此軍規係一悖論，用嚟綁死軍人不可因精神病而申請退役，搵笨坑人。所以後來catch-22 就用來表示陷於兩難、進退維谷嘅境況。編導或藉此暗示當日潛艇上姜度永所面對困境，值得同情。本片拍得唔錯，可觀性高，鍾意睇戲朋友，呢套可以入場。