韓戲逼人

入場因為宋康昊，今次演而優則「導」。影帝當然好演技，編劇今次仲犀利。韓國過往嘅歷史，今日香港嘅貼士。為左拍戲嘅大道，日後係要搏大霧。做人必需識轉膊，希望先會在轉角。場外戲，戲內戲，好戲在後頭。少少慢，少少笑，笑中又有淚。入行前，諗一諗，睇咗呢套先......

個人覺得套戲是否不俗，導演無論處理同執行也不俗。我會形容睇這套睇得心花怒放，可以真正感受到什麼是人生如戲、戲如人生，導演在這方面的處理是獨到，（兩）套戲的處理也是精彩。調度精準之餘也可以將電影人對拍電影這樣熱誠好精準地拍出來。這樣作為電影喜愛的人來講是津津樂道。這套也寫出七十年代韓國電影圈的生態，尤其在這樣創作被制度所局限，創作者如何去應對，這方面金導真是處理得好。而演繹方面，宋康昊今次依然可以交出上乘的演繹，可以彰顯他影帝級的級數，其中我最喜歡他扮不懂演戲那場。痴·影·夢·藝 X 的專頁 https://www.facebook.com/ckwunmovie/

“戲中戲”雖然係看似普通嘅家庭倫理片，但係拍攝方式卻充滿藝術風格，即使係普通觀眾，都感受到大師級作品背後嘅艱辛。呢套戲偏向藝術電影，但節奏尚可，唔算太悶，當中嘅電檢制度亦帶來一些反思，希望電影製作唔好受太大限制，畢竟電影是虛構故事，不應跟現實混為一談。4.4/5 （87分）

輕喜劇。因宋康昊入場。整體制作出色, 鏡頭運用、燈光、調色、剪接、故事編排、配樂...等等都表現出大作風範。各演員演出亦出色到肉, 加上鏡頭運用, 什有戲劇味同舞台劇feel。戲中戲穿插亦編排有序, 觀衆睇得舒服同唔會感覺凌亂。但節奏稍嫌過慢, 有啲場口會有悶嘅感覺, 加快節奏會更好。睇呢套戲時我唸起買凶拍人。

七十年代 韓國仲喺軍人統治之下文化部規定所有電影喺劇本階段已經要送檢睇住電影 原來香港比韓國落後50年人哋半世紀前走過嘅路 我哋至啱啱起步唉 唔知幾時至走得完 唔知有冇同樣美好嘅終點呢嗰時已審批咗嘅劇本 照住拍完就收工但哩套電影講嘅係導演拍完唔滿意 想重拍結局咁即係要修改劇本 須重新申請並得到文化部審批至得最後全憑政治正確 聲稱修改後嘅劇本可以加強反共宣傳至獲得通過咦 哩樣又預示咗香港電影可見將來嘅走向喎電影雖然極盡諷刺極權統治及電影或創意產業之能事但唔算好好笑故事講到導演冇天份 只識偷橋偷劇本 欺世盜名電影公司老闆專事氹投資者落水 然後趁火打劫 捲款走人最後編 導 演 監製 老闆 投資者 官員全部都自我中心 只為自己打算終至作繭自縛 每個人都是蜘蛛 努力圈套別人 可是自己也走不出蛛網 甚至墮入另一張蛛網 成了別人嘅獵物大家互相計算 互相消耗 互相消亡電影主題唔算新鮮 同類嘅故事 差不多嘅演繹手法 又一樽舊瓶新酒不過韓國演員嘅演技永遠可以扳回好多分數宋康昊 吳世正 鄭雨盛 演活咗電影人走火入魔嘅病態林秀晶 全余贇 鄭秀晶 朴貞洙 亦演活咗戲中戲入面嘅一班黑寡婦戲裡戲外 真人 還是角色 都盡顯人性虛偽 黑暗 醜惡 令人心寒 真係寒氣逼人呀

韓戲《韓戲逼人/Cobweb》點樣逼人？70年代著名導演 (宋康昊 飾) 剛完成了新片《蜘蛛窩裡的風波》的拍攝工作，但夢境引發特來的靈感，忽發奇想要修改已完成了的電影結局部分，深信若能經過修改重新拍攝後必會是一部曠世神作，但是整個製作團隊就算在半推半就的情況下都只能擠出兩天的拍攝檔期，在諸多限制之下，趕拍出來的作品，岀來能否成為一部驚世鉅作呢？戲中戲其實係好難拍嘅，因為搞不好，分場分得不清楚，觀眾睇得糊裡糊塗，就會好難投入去觀看，劇中角色飾演花花公子的男主角，在劇中與自己的現實產生重疊而讓他陷入混亂，加上劇中人物眾多，劇本亦有點散亂，更令劇情更加深奧， 連觀眾也看得沉重。電影貫徹導演金知雲的風格，離不開黑色幽默的格局，亦不忘加插一些暴力和血腥的場面，一部借古諷今的片廠揭秘電影，搞得鬧哄哄的，睇得過癮與否見人見智啦。