和平飯店 (M+ Cinema Programmes)

殺人王開和平飯店，保護所有入嚟逃避仇家嘅人，住客嚟自五湖四海三山五嶽，勉強同舟共濟，只要遵守原則，大家便可以安身立命⋯⋯後來敵人送來一個女人（木馬屠城的陰謀），迫使殺人王違背原則，最終英雄和圍繞佢嘅傳說一起消失，飯店住客被迫各散東西，再過著倉皇逃命嘅日子，後悔背叛殺人王/英雄和原則⋯⋯1995年嘅電影原來係預言，預告97後有人賣港，天堂不再，桃花源變咗逃花完，韋家輝正烏鴉嘴，和平飯店/香港被不幸言中！發哥葉童嘅演技爐火純青，無懈可擊。彭玲嘅主題曲《完全因你》百聽不厭！不過人物刻劃前後矛盾，殺人王改邪歸正但又自壞規矩，最終要為自己出爾反爾付出代價。葉童飾演大話婆、自欺欺人嘅無間道，但後來又企喺自己出賣嘅殺人王一方，甚至喺英雄死後守住和平飯店嘅餘暉，不過一介弱質女流又曾顛覆和平飯店，有說服力和可靠性嗎？憑乜呢？韋家輝第一次執導，唔知係剪接出問題還是什麼，犯上交代不清嘅毛病。後來我到過上海和平飯店🏨肯定和電影🎬完全冇關係，更證明電影裡飯店只是一種比喻，根本不存在？或者曾經存在，而正在消失，甚至乎差不多已經完完全全隨風消逝⋯⋯gone with the wind, the answer my friend is blowing in the wind 💨