陽子之旅

個人覺得這套戲很好看，我會形容這套戲很有層次，導演可以很細緻地去描寫因過去不順遂而發展為 I 型人格的陽子如何因這個旅程中走出的故事。個人覺得導演整個處理很好看，有層次之餘，情感發酵也濃郁，盡管整個調子也灰灰的，但因這樣，更令套戲的輪廓更突出，而這樣更令觀眾深深投入她在這個旅程中情感的演變。其中我最喜歡她在後三段的章節。當然，導演在電影中有講出日本東北地區在經歷 311 後的改變。無可否認，這部戲的主軸無疑是放在女主角菊地凜子身上，而她也不負眾望，演繹出一個極度內向的人。她在戲中的演繹很有層次，角色輪廓很豐厚且細膩，而在中後段的轉變也十分到位。但套戲在一些故事設計上有點明顯的反駁，這樣無疑令套戲失分。痴·影·夢·藝 X 的專頁 https://www.facebook.com/ckwunmovie/

l （內向）人回鄉歸途經歷甜酸苦辣，吐出心中屈結，破繭之旅，融合社會。全套電影由陽子獨白，演技細膩傳情，塑造出 l 人心境。

雖然睇《挪威的森林》時唔覺菊地凛子係我心目中嘅直子，但由佢演繹又宅又自閉嘅角色，似乎相當適合。陽子同父親不和，離家自立，發誓唔做出一啲成績唔衣錦還鄉，結果事與願違，唯有選擇逃避，於是宅在家，日常生活都是靠網購去維持，漸漸失去和人面對面說話溝通嘅能力，一連串不幸迫佢獨自上路回鄉，冇電話冇錢和親友失散，但又趕著回青森奔父喪，唯有硬著頭皮央求人家讓自己搭順風車，由內向害羞膽小細聲，經過無數次練習和失敗後，開始漸漸改變，由不願和司機交談，變成主動訴心聲並表謝意⋯⋯但每次失意或受挫時，便將一切不幸歸咎死去嘅父親，埋怨自己今日嘅困局係父親生前造成嘅⋯⋯最後由多位善心人幫忙下終於去到目的地，頓悟只靠自己根本不可能完成「陽子之旅」，沒有他者，她更一事無成，於是乎陽子以後應該會活在陽光之下和眾人面前！結尾，陽子雖然遲到，但老爸居然「等埋」佢，於是父女終於和解了，陽子明白自己不停指出老爸的不是，其實只係幫自己搵藉口唔返屋企唔返鄉啫！不過故事有幾處敗筆，陽子連和家人講說話都唔肯，咁又點會為咗搭順風車去見佢唔想見嘅老爸，同陌生人上床呢？喺作家企圖第二次性侵失敗後，陽子慌忙出逃，以佢咁脆弱嘅人格應該完全崩潰，個故事根本唔使發展落去！六程順風車遇到7個好人，只有1.5個壞人，只能說日本人質素比較高；如果故事搬到中國，輪姦、賣落火坑、黑市器官交易⋯⋯最後，陽子得到老夫婦接載和接濟後開始改變，但那種感動和感化來得太突然，同後來陽子嘅領悟、獨白和致謝🙏一樣，無跡可尋，只能怪導演講故事嘅功力未夠，缺乏營造鋪排、滲透感染嘅痕跡，以致欠缺說服力。

我本人雖然都係I人，但I到摺嘅陽子一開頭直頭似自閉症，難為佢要鼓起勇氣同大量陌生人交流（難怪佢選擇車債肉償……），某幾下實在睇得非常尷尬。女主角一開頭實在難以理解，一個無情緒病嘅正常人睇落點解會咁自閉？但呢套係第一套我睇完覺得主角成長曲線最大嘅公路電影，睇到佢由嚴重社恐，到後面能夠正常說話用語言去打動人送到佢去門口（果然對話先係人類交流最強武器），呢個人物成長其實拍得好立體，觀眾會有種：主角真係進步左好多嘅安慰感。公路沿途唔會全部係好人呢點值得讚揚，之前睇幾套日本公路電影幾乎無人係壞人，實在難以想像；好多對白一句起兩句止交代少少人物背景，但又唔會好詳細。事實上現實又點會對陌生人推心置腹？路人們無咩背景但又描寫得甚有性格，甚至係主角都係後期先主動交代背景，呢點實在拍得幾好。電影風格偏冷色系，仲唔止一次提及311地震，果然311係日本人唔可以磨滅嘅傷痛，近期每套日本電影都會攝少少311元素，呢套戲有人車到陽子去到某個鳥不拉屎嘅荒蕪地方，都同311災後形成呼應。相信都有少少想拍比日本人睇，想佢地似陽子咁經過一段公路旅程後「走出去」吧。

去年在亞洲電影節看完，其實是相當希望有正場。如今至少仍有電影中心播，感恩。故事是講述一個極度社恐的陽子，因為父親突然離世，而要趕在24小時內由東京回到青森參加父親的喪禮，因各種事情陽子不得不靠自己獨自一人回去青森。電影並沒有像常見日系非常陽光正面說故事，相反一切都頗現實。看完陽子這658公里的旅程，會覺得有點像比喻人生那樣，你會遇到不同的人和事，有好人好事，也有壞人不如意事，都是令你成長的人和事。而且就算多孤獨也好，在人生的路上，總會從不同人那裡互相幫助。