紮職3

對比紮職2，這套3在故事和場面震撼力較弱，街頭厮殺和群眾械鬥，缺乏暴力美感；幾段兄弟情沒有深刻描繪，可能在香港新環境下，這類反社會份子已沒有“英雄”光環，是時候要改革了，什麼改？衝出香港，走向國際，和意大利黑手党、日本山口組、內地村霸……等，社會壞人是難以絕滅的，期望有新思維的紥職。

地道港產黑幫片，而家唔容易睇到啦。呢集同上集相比我覺得差唔多，劇情除咗三兄弟之間仲有同大佬之間嘅情義。只係呢個系列就咁完咗有d可惜。4.5/5 （89分）

鄭浩南夠有型，淘大宇夠仆街，成套戲最搶鏡。三條蛋散😄演出一般，但寫兄弟情方面還可以。故事方面都係離唔開果啲，但整體處理合格，娛樂性係不俗嘅。港產江湖片買少見少，有得睇好睇啦！第時重比唔比拍都成問題。

雖然係電影系列第三集，其實係全新故事，不過內容同樣有關黑幫社團爭上位同兄弟手足之情，開場亦由一段追逐戲展開。電影製作及演員班底接近原班人馬，再加入鄭浩南，陶大宇，林千渟等參演。.電影劇情走向跟紮職2都頗為相似，當中陳家樂角色繼續做老鼠屎，警察角色依然係廢，所以劇情發展唔難預測，只係急病要用錢呢下真係老土左。不過整體我覺得呢集睇得輕鬆啲，旺角街頭追逐以及圍村果場大龍鳯拍得好睇，甚有港式黑幫電影風範。.演員方面，鄭浩南同陶大宇令套戲充滿江湖味，浩南哥有情有義，大宇奸險陰濕，反而今次黃宗澤無乜古惑仔味。佢同周勵淇果少少曖昧關係純粹緩和一下，三位兄弟情無上集描寫得咁深，但默契依然係有，加埋林渟的互動都幾好睇，當中唔少對答都笑得出。.觀影平台: iSquare英皇戲院.IG: AndyMyFilmography/ #AndyMovieReview

個故事係好一般，熟口熟面，睇完好似重溫舊片。爭坐館、穿阿公櫃桶底、執行家法、幫派爭地盤劈友、江湖兄弟情等等，就差唔多涵蓋成套戲。由頭到尾勁多血腥劈友場面，又冇槍戰，所以好似單調咗啲。好耐冇睇過鄭浩南嘅戱，佢快將登陸，身材仍然幾fit，但個樣就顯得蒼老啲，不過更添幾分滄桑同江湖味，演活江湖大佬花錦，所以係睇本片嘅意外收穫。分別演花錦三個得力手下阿華、阿飛、國仔係黃宗澤、張繼聰、陳家樂，佢哋三個都交足戲，另外一個黑幫大佬阿群由陶大宇飾演，同鄭浩南有幾場精彩對手戱，老戲骨，好戲之人，為本片生色不少。

一星俾陶大宇，一星俾鄭浩南，全片的兩大亮點