窗邊的小荳荳

藉一個天真而過度活潑嘅可愛小女孩嘅校園軼事去表現小明友嘅純真友情，令人懷念同感動。同時亦藉著時代背景同小女孩家庭同身邊人物嘅表現帶出反戰意識，係一套唔錯嘅動畫小品。美術、配樂同片尾曲亦不俗，未至於大作，但仍籍得欣賞。

電影講一個小女孩，因為太過好動而被退學，轉讀一間另類學習的學校，在學校認識一個患有小兒麻痹的男生，成個故事連同畫面都好赤裸裸，感受到孩子的天真與單純，快樂很簡單。同時亦看到父母與校長教育小孩及溝通的重要性。.動畫去到後段劇情突然轉向講反戰，忽然喚醒觀眾時代背景並非幸福時代，其實我也心知這是二戰的年期，但也算是輕輕帶過這些難過的日子，經歷生離死別仍無阻小荳荳（作者）的幻想。.動畫節奏略慢但看得很舒服，畫風好日式，大人小朋友觀感大概會不一樣，除了反戰信息，我亦從角色身上學懂做人哲理，大人的處事，還有女孩自發性的接納與伸出援手。.觀影平台: MCL Airside.IG: AndyMyFilmography/ #AndyMovieReview

在日本, 進場前的人一開始就知道她是誰，有呢個前設去睇會好睇好多。

背景是二戰時期的日本，一個小女孩荳荳，在特殊學校的成長故事，從她眼中側看戰爭的荒謬，高歌父母的開明，校長的包容，同學間互相扶持的關懷，儘管成長中有悲歡離合，但無損她對人生抱着愛與希望的態度，畫風幽美，故事感人，沒有煽情，全片充滿正能量，是一部令人看完心情舒暢的電影。

應該劇場版動畫就係原作優點：反戰！！因為反戰呢個題材有一粒星額外加落評分，女主角好可愛對眼成日水汪汪，作畫加分，中文版配音，戲內歌曲作得好貼近嗰個時代，聽歌個陣唔會出戲缺點：每一個部份都到喉唔到肺，係好平淡嘅敘事式講故事，敘事手法仲要悶悶地，明明應該係起伏位嘅地方，我嘅心情完全無起伏，要傷心無傷心，要感動無感動，後尾唔知點解表達得咁含糊，內容明就明嘅，但唔了解講故事講得咁隱晦嘅用意，校長最後個部份我又係唔明想表達d乜，淨故事我俾2.5星推薦：唔知邊度見過話適合帶小朋友一齊去睇，我個人覺得就唔適合太細嘅小朋友，中童以上先啱睇，要真正了解乜係"戰爭，死亡"先ok，唔明嘅小朋友去睇套戲係真係好悶，套戲重點唔係想講過度活躍㗎！！重點係反戰！！