The Moon: 緊急營救

個人覺得套戲不俗，導演處理同執行也不俗，作為一套曬特技的韓國商業片來講，這套是合格有餘，好多場的處理不俗，技術同拿捏也是精準，沒太多可挑剔的位。我會形容這套可代表韓特技片可達到另一個階段，同荷里活水平更為接近。這方面比較於內地的獨行月球，這套的確優勝。咁當然在劇情上，個人覺得這套有些位有點拖、過於兒戲同太政治諷刺向（因現在韓民意有反美的傾向），這樣的確有點影響套戲的觀感。痴·影·夢·藝 X 的專頁 https://www.facebook.com/ckwunmovie/

劇情緊凑，電影很快便進入核心~營救流落在月球的太空人，過程驚險曲折，其間一吸引之處是對情感和人本善的描繪，觸動人心，這是韓國製作的優點，另一特色是“上層政府官員是偽善者，老百姓是善良的”。科幻場景設計和形做不俗。喜歡韓劇的，值得去看。

故事前段用咗唔少篇幅交代背景，一貫韓片風格或多或少同政治掛鈎，呢套亦唔例外，韓國航天局同NASA嘅關係，五年前嘅航天災難，各人身份同經歷等等，雖然較為冗長但亦係為後面劇情嘅鋪墊。真正開始精彩嘅地方係佢登陸月球之後，災難接踵而來，睇完一大段緊張刺激嘅特效終於脫險，下一個災難就來臨，後半段大致上都係從緊張/絕望/希望之間循環。文戲方面亦相當出色，各角色嘅描寫都好到位(雖然最靚女果個女仔描寫比較少), 途中亦會揭露五年前災難嘅驚天秘密，而到最後團結一致嘅畫面亦相當觸動。4.7/5 (93分)

頭1/3頗沉悶令我陷入半昏迷狀態, 後2/3乃可預計劇情, 整個逃生過程全由地面你一句我一句斷估同靠運氣。指揮室設計同工作人員行為舉子對話全不專業, 成班柴娃娃, 感情用事, 好兒戲, 無什真實同驚險感覺。再加上韓國硬銷大外宣突兀自high劇情同對白, 真係投入唔到。2.5星係比CG特技(亞洲算數一數二) 同埋幕後制作團隊。此片亦拖太長, 縮短到100分鐘會緊湊啲。

我好奇怪韓國何來信心成為第二個踏足月球嘅國家論太空科技 單喺亞洲 韓國落後於中日印度喎另外 哩兩日我睇咗中美韓三齣sale特效嘅電影論CG 第一係Creator 韓國The Moon排第二大陸封神搵埋老美幫手都敬陪末席 迫真程度最低仲有態度決定高度 美韓電影都展望未來唯獨強國懷緬四千年前嘅商代 一個民族嘅自信應該表現在前望 不愛盡懷舊當然中國之前有《流浪地球1+2》《獨行月球》但抱住咩心態呢 領導全球做大佬 唯我獨尊韓國哩套就宣揚月球+南極都係全世界各國各族均分嘅 主張共同開發 互惠互利 守望相助其實電影最好睇係太空嘅寧靜與深藍浩瀚還有由月球回望嘅藍地球🌍 +月球嘅荒涼孤寂至於太空意外 天地救援和自救 一方有難八方支援嘅地球村精神都好有老翻荷里活同類電影嘅味道 The Gravity, The Martian, Apollo 13⋯⋯熟口熟面世伯救世侄 前妻同前夫肝膽相照 天文台女研究員利用YouTube爭取全球支持宇宙救援 都好煽情但唔感人南韓🇰🇷自從結束軍事獨裁走向民主後各方面都進步得一日千里國民自信爆棚到近乎自大喺冇乜太空成就下居然相信佢哋嘅女人會成為美國太空總署NASA署長甚至爬中國俄羅斯嘅頭 成為第二個登月嘅國家 仲追上美國🇺🇸你話民主自由幾好呢 不怕做不到 只怕想不到唔似有啲地方 喺法西斯統治下 乜都唔敢想唔敢講唔敢做最後 電影講到連南韓🇰🇷都參加太空競賽 反映人類爭資源爭到去月球🌝地球已去到被榨乾榨淨嘅地步 環境和大自然瀕危再試想若開發月球成功 龐大月球原料運到地球加工 用完成為垃圾 地球咪變成充滿兩個星球嘅垃圾嘅堆填區囉 宇宙最污糟嘅生態災難呀⋯⋯你唔好同我講運返月球堆填呀 成本太高喇與其剝削壓榨其他星球 不如做好地球嘅環保♻️循環再造再生和可持續發展好過啦

今年中秋何止賞月，直情入戲院登月拉！電影很快交代完故事背景，然後就載三個太空人升空，很快進入狀態。接近兩小時經歷不少驚險情節，徘徊絕境與希望之間，略嫌堆砌出太多情節，成件事反反覆覆，加上不時穿插往事，中段情節變得不夠流暢及緊湊。.除左主線係太空災難片，戲中亦不忘諷刺政府膠官以及國際政治手段，少不免抬高自己國家，但呢部份其實寫得唔錯，以人道帶動民心。一貫韓式電影會出現的情景，利用一眾角色爆喊的大頭鏡頭去催淚，我真係麻麻，望到個膠官都喊就覺得多左拉。不過電影尾段係幾好睇，結尾亦收得幾靚既。劇情之外，整體視覺特效做得唔錯，加埋無重力效果拍攝，電影整體觀感不錯。.觀影平台: Premiere Elements.IG: AndyMyFilmography/ #AndyMovieReview