全謊位登月

就算係謠言，好多國家連提都唔畀提，何況作為拍電影題材。美國60年代登月，好多說法和推證這是做假，月球只是沙漠裡的場景。做假是要領先和蘇聯冷戰時代的星球大戰，是政治需要。事實係咪做假？冇人知，真相亦沒法得悉 。電影好巧妙沒有提出自己立場，以愛國和政治正確為最終主旨，只提做假只是後備需要，怕登月失敗冇貨交，當然最後沒用做假片段，登月成功，圓滿結局。電影娛樂性豐富，有男女感情線，美國60年代風土民情重現。其實將國家醜聞作為電影題材，實屬罕見👍。創作自由好重要。

佢作為愛情喜劇而言係收貨嘅，Scarlett Johnson 做女主加分，結局反轉再反轉都做幾好，套路同結局都係predictable ，套戲整體唔錯，但本人對愛情喜劇一般，所以俾分會低啲，但鐘意睇呢類型電影嘅人應該會再俾高分啲

個人覺得這套戲不俗，導演無論在執行或處理上也佳，我會說導演在各個環節處理也恰到好處，每一個拿捏與氛圍的掌握也剛剛好。好讓觀眾看得心曠神怡。無可否認，雖然這套戲的大背景有點沉重（套戲中有輕輕去講述），但她卻用一個比較偏向愛情的角度去描繪 這樣我是喜歡的，而我也喜歡用公關作為這套的主軸這一條橋。而同時，我也喜歡導演在描繪角色的技巧，這樣令角色的深層輪廓更為突出。當然，導演在當中也穿插了一些有關嘲諷美國政治陰謀同電影迚文化的元素，這樣也令這套戲增添了質感。咁當然演員的演繹也是好，黑寡婦同卓靈泰坦也是演得好，雙方擦出的火花很到，這樣的確令套戲加分，盡管角色設計同場口處理上有點老土，但因為角色背景同故事結構，好令其出來的更有味道。PS：黑貓這個設計好正痴·影·夢·藝 X 的專頁 https://www.facebook.com/ckwunmovie/

4.2⭐故事題材吸引，講述當年美國政府為贏登月競賽，欲以謊言欺騙全人類。其實一直都有流傳呢個說法，但冇確實證據證實，所以呢個電影題材喺美國亦算幾敏感，難得美國電影人可以拍咁嘅故事。相反我哋只可以歌頌....唉！本片除主線故事外，亦有感情線，但並冇喧賓奪主，只是隨主線故事滋長，不溫不火，恰到好處，亦不得不讚女主角造型同演技，由開場帶到結尾，比黑寡婦更有吸引力，為電影增加不少分數。除此之外，電影中亦不乏輕鬆、謊誕笑位，亦加入一隻黑貓，但同無聲絕境首襲日唔同，呢隻黑貓冇出場咁多，但喺電影中較有意義同尾場殺科戲好有影響力😄。整體編、導、演、美術、剪接等等各方面皆出色，娛樂性不俗，可以入場娛樂一下。

作為一套講美國登月嘅半改編電影，呢套節奏唔錯，男女主角性格好唔同好有火花，而拍出嚟嘅登月畫面同真嘅一模一樣難分清，呢套戲算係對盛傳多年嘅登月造假傳聞提供咗一個解釋（雖然唔知係咪真），不過我作為觀眾都係覺得真相係點無咩所謂，睇得開心就好。4.5/5 （89分）

中文片名有誤導之嫌，《全謊位登月》俾人故事係造假嘅感覺，但實際係半真半假，最後真的假不了，假的真不了！其實荷里活都拍過唔少質疑美國太空總署造假嘅電影，包括1978年Capricorn One，但哩齣只係想講好大喜功嘅尼克遜總統擔心第一次登月會失敗，於是指使手下進行plan B，拍一段登月影片到時「直播」俾全世界睇，確保萬無一失，咁就可以喺冷戰時代於太空競賽中壓倒蘇聯，以Nixon後來水門事件下台嘅歷史看，哩個設定很有說服力！但故事以Channing Tatum求真和Scarlet Johansson造假作對比，除咗相映成趣之外，電影至少有一半係講美國🇺🇸係老實地實現人類登月夢想嘅，所以點可能係「全謊位」呢？？？更何況歷史話俾我哋知，美國總共6次12人腳踏實地踩上月球，呃同一班人都唔會同一條橋呃6次啦，「狼來了」事不過三，第四次就穿崩要自討苦吃啦！美國之所以唔再登月係因為喺太空競賽已大勝蘇聯，為咗節省成本做實事、造福國民，唯有叫停。電影好好睇，輕鬆幽默，充滿娛樂性。Channing Tatum不嬲虛有其表，硬掘掘唔識做戲，但今次casting搵佢做又直又老實又唔識轉彎嘅角色，絕對有眼光，果然係銀壇鐵漢，木無表情，不解溫柔，不作他選！Scarlet Johansson都唔錯，尤其喺Tatum話要介紹佢識「Jenny」嘅時候，佢眼神流露失望嘅黯然，完全感動咗我！不過，我覺得如果搵Margot Robbie做心機女可能更適合。但演得最好最令人印象深刻嘅係Woody Harrelson飾演嘅Moe，出場唔多，但一出場就技壓全場，完全將男女主角比下去，又奸又寸又老練又嬉皮笑臉，將幕後黑手演得入型入格！上世紀六七十年代係我嘅青少年時期，我睇過1969年「我嘅一小步，人類嘅一大步」Neil Armstrong「鬆郁矇」嘅黑白電視直播，聽過Frank Sinatra "Fly me to the moon" 幾百次，見過我阿媽黃蜂腰同蜂巢裝髮型，聞過我老爸髮蠟嘅味道⋯⋯今日我人老了，回味這段艱苦日子時，唔知係味覺嗅覺出錯，還是腦殘了，居然老糊塗到好似Joe Biden咁話係Good Old Days！與其懷緬過去，不如活在當下，人生冇take two冇重啟，我唔要吹電風扇睇黑白電視，如果要憂柴憂米，不如今日安享晚年，但多謝電影，重現了至今仍悅耳嘅音樂歌曲、色彩繽紛但撞晒色嘅American lifestyle、還有我逝去親人們年青時嘅光影。荷里活嘅化妝、CG、佈景道具、音效配樂、資料搜集⋯⋯全世界望塵莫及！