警長：捉內鬼

個人覺得這套戲好看，導演的處理和執行也佳。無疑，這套戲的確讓人對馬來西亞商業片有所認識，以往我們接觸的都是屬於非主流，就算是《富都青年》也是。這次有一套比較商業的電影來港，的確有其吸引力。而出來的成品也不錯，有各種電影的元素，有港產片（他們當地其中一個最大的電影種類便是港產片）以往常用的警察臥底的戲劇元素，同時也有他們獨特的政治社會元素。而同時也有最容易賣座的動作元素。在這方面上，導演的處理很好，他可以將這麼多的元素融合，從而去令這套戲變得好看。當然這套戲也是有缺點，的確故事的轉折無疑太多，這樣為做而做，令這套戲過於臃腫。這是一個失分位。痴·影·夢·藝 X 的專頁 https://www.facebook.com/ckwunmovie/

故事由一位不相信法律並以暴易暴去清治警隊的警官和一位嚴守法律並以法律去清治警隊的警官之間的大鬥法，以維度去看，比港產無間道更複雜。導演和編劇功力不俗，令人理解那位不信法律的警官和稱讚嚴守法律警官的偵探技巧。片中火爆場面不俗，值得去看。

3.8⭐又係大玩捉內奸嘅題材，同無間道熟口熟面，但加入飛車、爆炸同大量槍戰場面。逢係呢類戲通常都會有唔少on9同唔合理位，就算經典無間道亦然，但作為娛樂片，大致上都會無視廢事同佢駁。以馬拉片嚟講呢套作品絕對有驚喜，見得人，槍戰同爆炸處理不俗(包括音效)，毒犯大佬同查內鬼差佬演出有型有格。整體嚟講此作可以一看，睇慣港產警匪片可以轉轉口味睇下新面孔，絕大部份角色係馬拉人演員，唔駛下下來來去去都係劉華、青雲、家輝、天樂...。題外話...覺得男主角冰毒殺手個樣好似無記體育節目主持鍾志光。😄

觀眾前期就知道內鬼身份，上帝視角睇警長vs內鬼的交鋒好爽，之後對付真正嘅衰人嘅時候一樣有內鬼要捉，全片高潮迭起，打鬥亦相當精彩，是非常優質的一套警匪片。4.7/5 （93分）

男主角名字本身叫Sheriff，英文意思係警長，但佢嘅職位肯定遠遠高過一名警長，因為可以指揮三粒花同埋特種部隊，又喺反貪污組專捉大鱷，不過佢亡父係貪污警官，我唔知係馬來西亞定係回教國家對警務人員家庭背景審查比較寬鬆，還是甚麼，香港警隊以前要查三代，冇人犯罪至可以入職呀。電影劇本有香港《無間道》影子，只係將劉華嘅角色換咗性別，再加埋警隊有人不滿法律制裁唔到罪犯，於是濫用私刑替天行道，基本上係將香港和荷里活警匪片嘅慣用橋段炒埋一碟，不過電影算拍得不錯，天下文章一大抄，CCTVB同港產片唔少都抄，但唔見得好睇，哩齣絕對令人對馬來西亞電影另眼相看，的確進步咗好多，槍戰飛車爆破拳腳打鬥都直迫港產片高峰時期！故事發展仍有不少犯駁、唔合理、難以自圓其說嘅地方，壞人永遠太多嘢講，俾處於劣勢嘅好人可以絕處逢生！不過我哋以前會睇唔起馬拉電影，哩齣則贏喺起跑線好前，睇嚟馬拉人以後都唔使追捧港產片啦，因為佢哋嘅電影製作唔止急起直追，直情差唔多可以同港產警匪片並駕齊驅，港產片以後真係要好自為之！全片90%以上用馬拉話對白，反映佢哋嘅國民自信，唔需要特登英文配音（佢哋英文水準平均好過香港）去外銷電影，而且對國內市場都好有把握！不過除馬拉話外，電影入面仍有廣東話同英文，反映馬拉電影有民種共融並與世界接軌嘅雄心，但一句華語都冇，更明顯表示唔care中國市場！最後，電影選角出色，男嘅有型有款有身材，女嘅都靚女可愛，奸角亦惡形惡相入形入格，演技亦都恰到好處，冇太誇張造作嘅感覺，只係有啲脫離現實，有乜可能馬來西亞嘅警察同黑社會都勤力健身，操到自己咁fit，你叫香港啲大肚腩警匪情何以堪呀！