即使,這份愛今夜從世上消失

個人覺得套戲是不錯，導演各方面執行處理沒問題，但比較之前同類的 餘命十年，個人覺得這套卻被比下去。失分主要地方是感覺太拖，盡管故設感人也好，這點餘命卻無。技術演繹部份是沒問題，唯美式鏡頭處理是好睇，男女主角演也沒問題。雖然女主角演繹有點流於表面，但總體是可以，但我會比較喜歡演女主角朋友的古川琴音，尤其是尾段去忘掉女主原本的記憶的一段。痴·影·夢·藝 X 的專頁 https://www.facebook.com/ckwunmovie/

電影故事不俗，一個失憶小女被一位書生男誤打誤撞闖入心窩，雖只有24小時記憶，盡力珍惜這片珍貴時光，不懼每天重新愛一次，樂觀積極面對人生。書生男因憐生愛，女生積極不逃避的人生觀深深觸動了他。畢竟天意作弄人。個人覺得電影在情節轉變位，導演指揮得唔夠煽情，未能吸引觀眾思緒進入角色。女角外型較為成熟，演技未能足夠揣摩女角堅強樂觀及情深，未能感動觀眾。整體電影尚算吸引。

日式純愛電影，除咗男女主角嘅感情描寫得細緻動人，好友/家庭等都有感動位(我用咗半包紙巾左右) 而轉折位來得非常快，亦出乎意料。4.7/5 (93分)

真心覺得男主角道枝駿佑個樣好似年輕時嘅木村拓哉當然佢高啲白啲近期日本愛情片唔知攪乜 睇親都係夭折嘅愛情《餘命十年》同哩套都係主角夭折《流浪之月》夭折咗男主角嘅生長 令到戀愛無法正常開花結果初初以為哩套係老翻二十年前荷里活《每天愛你第一次》但日本不愧來料加工嘅鼻祖 推陳出新之餘 更勝原本女主角自交通意外後患上順序失憶 醒來會忘記前一日的事男主角很貼心地為她每日製造快樂的感覺漸漸地女主角雖然翌日忘記了男主角 但累積出「程序記憶」像踏單車或游泳 一旦學會或習慣了 即使丟下一段時間 生疏了也會很快再上手於是當神谷透消失了 日野真織會隱隱作痛覺得失去咗唔知邊個好重要嘅人擅於繪畫嘅手不由自主就會勾劃出熟悉嘅輪廓同神韻愛 只要曾經有過 就是那麼刻骨銘心愛 即使人走咗 留下嘅人仍會感受到 而且一生一世伴隨著在世嘅人勇敢而感到溫暖地生活下去電影🎬圍繞住三位年青人 但冇三角戀道枝駿佑演得恰到好處女配角古川琴音（飾演泉）樣子最普通但演得最好徘徊在姊妹和志同道合嘅男主角之間既愛護真織又對透有好感最後要在忍受失去透 但又不想真織難過崩潰之間掙扎反而女主角 飾演真織嘅福本莉子演得好一般好表面空有一副日本妹Kawai嘅討好外表難為透 泉 和父母嘅犧牲和落力演出只襯托出福本小姐空白貧血嘅存在令到電影和劇本都不太能感動觀眾 落得吃力不討好 可惜最後祝大家聖誕快樂我將離港一個月 回來再一起分享電影吧

記憶不會完全從世上消失。好睇，感人，自己感受下…