滿江紅

上映日期: 2023年3月2日 片長: | 0 分鐘 級別:
TBC
3.4
評分
156 讚好 67 影評
2023 新春賀歲片票房冠軍,張藝謀大導演勁破30億票房燒腦神作!南宋紹興年間,岳飛死後四年,秦檜率兵與金國會談。會談前夜,金國使者死在宰相駐地,所攜密信也不翼而飛。小兵張大 (沈騰 飾)與親兵營副統領孫均 (易烊千璽 飾)機緣巧合被裹挾進這巨大陰謀之中,宰相秦檜 (雷佳音 飾)命兩人限一個時辰之內找到兇手。伴隨危機四伏的深入調查,宰相府總管何立 (張譯 飾)、副總管武義淳 (岳雲鵬 飾)、舞姬瑤琴 (王佳怡 飾)等人捲入局中,案件的背後似乎隱藏著一場更大的陰謀。局中有局、人心叵測,一夜之間風雲變幻,各方勢力暗流湧動……
顯示更多 arrow-down
影評
詳情
場次
X
Lv. 10
star 5.0
一場處理細膩同精彩的謀子把戲
個人覺得今次謀子真是精彩,他無論處理同調動也是一絕,他每一幕每一個調動每一個設計也睇得賞心悅目,深深令觀眾留下深刻印象。我會形容這套是他機關算盡而富歴史味道的一場精彩把戲,他精準地利用一切技巧來令滿江紅篇詩更有另一層意思。無可否認,無論在鏡頭調動、場景設計、配樂、角色設計、故事設計等,也充分顯示謀子獨特的大師風範,每一幕也玩得精準。他充滿利用沈騰的喜感、易烊千壐的豪邁同張譯的演技,三者所結合令這場把戲更有層次同趣味。其中飲茶的一段最為深刻。而易最後一段也是令人熱淚盈眶。而技藝上,謀子也是玩得精彩,這樣壓迫感場景同攝影,加上帶點京腔味道電音配樂,這樣可以令整套戲有著另一個層次同令觀眾更投入痴·影·夢·藝 X 的專頁 https://www.facebook.com/ckwunmovie/
顯示更多 arrow-down
12  負評
1  回應
Movie Lover
Lv. 10
star 4.5
電影佈局高深,演員表現出色
電影佈局高深,策謀者以人内心思緒去佈局,賭的是人的心理盲點,甚為高明。片中演員表現出色,導演也深明和充分利用每位演出者在觀眾眼中的亮點,製作人甚有商業視野,電影需没有"流浪地球2"瑰麗場面,但演員表現令電影異常吸引,二個多小時很快便過去。個人覺得片中配合城中奔跑的音樂甚有胡金銓龍門客棧的味道。唯一感覺張大導今次在美術及攝影不及他另一電影"在懸崖上"。值得去看的電影。期望中國電影在奥斯卡金像獎發光芒,以滿江紅般豪情萬丈拿下"小金人"。*希望電影公司多宣傳"偷拍電影是違法行為",有些觀眾可能忘了或鮮知道"他這行為觸犯香港法律及摧毀香港電影業"。
顯示更多 arrow-down
12  負評
0  回應
Super086
Lv. 10
star 4.5
劇情緊湊,2個半鐘好快過
有別於一般懸疑片,男主角只係一個出身卑微嘅小兵,以帶罪之身查案,在眾多大佬之間嘅狹縫掙扎求存,睇幾位配角之間嘅角力亦相當過癮。當然去到後來,真相大白嘅時候,個人嘅生死已經唔係最重要啦,結局果種情懷我感受唔算好深,睇完總算明白呢套點解可以喺大陸咁受歡迎,而喺香港反應一般(先撇除政治立場), 可能係文化差異掛~4.4/5 (87分)
顯示更多 arrow-down
4  負評
0  回應
劇透閒人
Lv. 10
star 3.0
岳飛睇咗死多次 嘔血死
張「偽」謀拍畀腦被洗嘅人睇嘅戲(戲值4星 但不忠於歷史 扣1星)好耐冇睇大陸戲因為曾經喜歡張藝謀嘅電影睇早場以為$25幾抵(但因片長加價到$40)所以買咗飛真心話:戲好假但好好睇 演員表現出色電影秉承強國唔尊重並習慣竄改歷史嘅毛病《滿江紅》根本唔係岳飛嘅作品哩首詞去到明朝至出現岳飛後人嘅記載從來冇提及過滿江紅所以更唔會係岳飛嘅絕筆或遺言電影有好多情節好牽強計劃多年 犧牲咁多義士只為套出秦檜親口吟詠滿江紅???真係狗屎狗血狗腿狗吠狗屁呀中間搵到秦檜通番賣國嘅證據居然吞落肚 幫佢毀屍滅跡???最後死咗咁多人 明明可以殺秦檜報仇但孫均居然「冷靜」到揀要佢活受罪??「臣子恨 何時滅」呀?????其實電影玩好多反轉反轉再反轉懶係峰迴路轉嘅花招只為花多眼亂 掩蓋犯駁不合理嘅地方情節雖然狗屁不通但演員出色演繹 仍有蕩氣迴腸嘅畫面瑤琴和張大生離死別 猶唱櫻桃🍒上路幾位義士排住隊慷慨又從容就義加上千軍萬馬一齊唱誦滿江紅(這段我真係老淚縱橫)都幾賺人熱淚張導近年迷戀大堆頭大場面大預算贏唔到李安 始終攞唔到最佳外語片奧斯卡獎更唔好提奧斯卡最佳導演 連提名都冇由這齣配樂係京劇唱腔睇佢可能已放棄面向世界專注內循環 專心賺數以億計嘅人仔了我唯有繼續懷念老井 菊豆 秋菊 紅高粱 活著⋯⋯至於大陸觀眾睇完戲後壯懷激烈誓要打金兵時發覺自己係「金人」先智障因為冇得「還我河山」打金國即是打自己 咁打個屁呀?哩種講法 超低能 勁攪笑金人係女真族 即滿洲人北宋亡國後 留喺北方嘅漢人 後來喺蒙古帝國吞金滅宋後 被稱為「宋人」根本從來都未做過「金人」反而提到「還我河山」最對唔住列祖列宗嘅就係金人女真人滿族清朝同俄國簽埋晒啲尼布楚+璦琿+北京條約將外興安嶺嘅故鄉割畀外敵到而家都未收返如果要還我河山 漢人首先要讓畀滿族先不過都要問過今時今日同戰鬥民族朋比為奸嘅習維尼至得唔係 傷害咗兩國「自古以來」嘅兄弟情誼就唔好啦唉 又一段塗脂抹粉嘅歷史
顯示更多 arrow-down
20  負評
3  回應
大葦
Lv. 10
star 4.0
張導大作,「精忠報國」者都會讃賞
宣傳話本片係張大導在國內票房破30億嘅燒腦神作,咁勁咁神?好吸引,加上片名「滿江紅」係岳飛一首傳誦不絕的詞之詞牌名,更令我好想入場觀賞,並求證一下係咪真係差到只值0.5星評分。故事發生在岳飛死後五年,南宋紹興年間,宋相秦檜遠赴秋陵渡與金人會談,會談前夕,金使者遭暗殺,之後追查失去之金使密函,過程充滿諧趣、懸疑。劇情曲折離奇,編導抵讚,只嫌部分過場配樂吵耳,唔知係咪京劇風格?完場時鄰座一位阿叔拍掌讚賞,而在秦檜吟誦「滿江紅」詞時,我亦不期然笑出聲來。各主要演員演出精彩,尤其兩位主角孫均(易烊千壐飾)、張大(沈騰飾)。雷佳音飾演秦檜,張譯演相府總管何立,岳雲鵬演副總管武義淳,王佳怡演舞姫瑤琴,全都是好戱之人,發揮得淋漓盡致。這故事容或虛構,但寫平凡小人物為岳飛寃死而捨身成仁取義之精神,好令人感動。孫均最後完成任務,打算浪跡江湖,也說了句牽動人心的話:天大地大,世上總有毋須做走狗的地方。「精忠報國」的人都聽懂了。戱內舞姫瑤琴吟唱那首詞十分淒婉動人,謹誌如下供大家欣賞。宋代蔣捷《一剪梅·舟過吳江》一片春愁待酒澆。江上舟搖,樓上簾招。秋娘渡與泰娘橋,風又飄飄,雨又蕭蕭。何日歸家洗客袍?銀字笙調,心字香燒。流光容易把人拋,紅了櫻桃,綠了芭蕉。
顯示更多 arrow-down
16  負評
6  回應
普通觀眾
Lv. 10
star 3.5
保持水準
前段是麻花層次的笑點,尾端不斷扭橋,以熱血終結,尚可缺不是最佳。
顯示更多 arrow-down
0  負評
0  回應
私隱政策
使用條款
免責條款
65a7297