Last Mile:全面引爆

我認為電影推理橋段有自圓其說嘅感覺，角色們都後知後覺知敵人下一步，整體解迷部分唔太高明，中間都係加插典型某個角色有嫌疑，之後再解釋返事情之類王道劇情。觀電影整體嘅陰謀佈局無咩大Bug，不過亦過份冗長，整體不過不失。電影中心主旨係控訴過勞死以及日本人嘅職場忍耐文化，想探討嘅命題其實唔錯，我亦見識到亞馬遜、淘寶等可以順利派貨其實唔容易。我地作為消費者禁個制比錢就買到嘅野，其實中間經過無數咁多個齒輪。大道理方面呢套劇就講得幾對味，雖然大家都係一粒微小嘅齒輪，一粒齒輪過勞死當然無人留意，但如果有人個人挺身而出爭取，無再無為而活，社會就會改變？當然電影結局就偏美好，而且好日本式說教感。另外本片有兩套經典日劇嘅人馬客串，我作為唔知咩事嘅觀眾睇個時難免睇到不明所以，爬文後先發覺個幾個拍得累贅但又大粒嘅角色邊到黎，原來係彩蛋。

典型日劇/日本電影嘅節奏，唔係荷里活式嘅恐襲電影。講日本嘅社會問題，套路真係好日本，劇情有啲平淡，冇乜高潮位，誤導施襲者已經係最大嘅轉折

一方面電影與《Unnatural 》 & 《MIU404》共同世界觀，所以每個情節和人物出場都有其原因。第二，了解導演和編劇的風格和節奏。她們向來注重人物動機，背後理念和社會反思，因此電視特效和刺激緊張的節奏從不是這套電影的重點。事實上，電影每一個人物設定，情節安排都藴含意義，喜歡《Unnatural 》都相信會喜愛這部電影。

三字經影評...故事弱、演一般、口水多、冇起伏、唔緊湊、冇場面、拖太長......攪唔掂、瞌著咗、唔信嘅、入場睇PS. • 背後有乜message/內涵, 有乜諷刺都好，睇到觀眾瞌著咗/等完場就算係失敗。• 日本5星期票房冠軍，証明兩地口味大不同。

以拆彈為主題，節奏緊張但毫無壓抑感，女主角人設有感染力，辦事能力之高令人折服，中間有意為之嘅轉折亦增加咗懸念，中後段亦反映咗日本社會嘅一啲問題，到結局仲有點窩心。4.6/5 （92分）

我喺飛機✈️上免費睇，都要㩒停幾次，瞓醒覺再睇，實行分段收費，兩個鐘頭分四次睇咗超過三粒鐘😱😱😱如果交荷里活拍，應該緊張刺激好多，至少爆炸場面會逼真血腥淋漓啲！！！故事源起「工作過勞」「加班超時」，於是乎因工自殺嘅新聞喺日本成為風氣，比香港學童自殺不遑多讓，加上旁及散工待遇低、福利冇、職場剝削欺凌⋯⋯傷心人別有懷抱，日本人睇就梗有共鳴啦，唔怪之得可以成為連續五星期票房冠軍🏆香港人就比較灑脫，大不了裸辭返鄉下去日本踩場，所以唔會明白日本人點解會對公司一生一世咁忠心，更唔明白點解要咁盡心盡力，而且電影節奏慢係日本文化但唔啱香港人口味。電影仲有一個缺點，開始扮懸疑推理，但最後交俾滿島光自說自話自圓其說，相當牽強！兇手幫愛人向公司報仇，但傷及無辜，亦唔合乎日本人打死都唔要麻煩人哋嘅文化，所以我奇怪哩齣戲居然喺日本賣座，唔通新一代日本人覺得毀滅傳統好過癮？？？