鬼咁多大屋

角色納悶，不甚有趣，故事乏高潮位，鬼魂唔有趣，男角冇乜喜劇細胞，全片平平淡淡，絕不吸引。狄士尼B級製作。

成套戲嘅設計都好old school, 劇情既唔緊張又唔好笑, 重要拖長兩個鐘嚟拍, 間唔時會瞌著咗。😴 全片只有黑人小朋友演出較突出。掛得迪迪尼牌頭出品, 自然縛手缚腳, 局限咗套戲嘅發揮空間。

呢種主題唔錯，由於知道係喜劇，可以放鬆心情去睇，唔洗驚有人死~最後大戰幾精彩，不過前中段小小悶，主要靠d美式幽默撐場。4.2/5 (84分)

2003年迪士尼搵Eddie Murphy拍咗一套同名嘅電影我睇咗中咗伏20年後又嚟一齣諗住會有進步 結果又中伏全程須不停搣大腿至捱完我入迪士尼樂園間中都會入吓Haunted Mansion 燈光昏暗 啲鬼瑩光 音效佈景都嚇唔到人好啱細路仔玩但同樣環境同佈置放喺戲院兩粒鐘就非常之催眠嘥晒啲演員Jared Leto, Danny DeVito, Jamie Lee Curtis, Owen Wilson……口水多過茶 唔感人唔好笑唔刺激唔溫馨無聊冇意思 嘥錢嘥時間

電影《鬼咁多大屋/Haunted Mansion》改編自迪士尼主題樂園的經典遊樂設施，咁樣搞岀嚟嘅鬼片會係點嘅呢？故事講述單親媽咪蓋比帶著歲的兒子查維斯從紐約搬進了一所座落在鄉間的古董大宅，兩母子入住不久，發覺到這所大宅有許多鬼魂盤據陰魂不散，飽受驚嚇之下決定向外界求助，之後找來一班不知所謂的驅魔專家，經過通靈各師各法幫忙驅魔，希望在專家協助下能驅鬼成功。迪士尼頂尖特效打造出來，搭建出來的鬼屋場景 跟迪士尼樂園的鬼屋相比，給人真實逼真的感覺，乜鬼👻都有，機關重重，層出不窮的鬼魂，嚇似雲來，岀來的視覺效果可以話係鬼咁精彩嘅。不過……講到電影角色，眾星雲集，理應每個角色都有其特色，但很多笑點都很牽強，尤其是奧雲韋遜的對白更是沉悶乏味，讓人感覺納悶，迪士尼的小兒科鬼片，驚嚇不足，恐怖加入喜劇效果，變成自相矛盾，成人未必喜歡觀看，若帶小朋友觀看，但劇情又似乎不合香港小朋友的口味，迪士尼較為失色的溫情電影。

起源自各大迪士尼的室內遊樂設施，香港都有的《迷離大宅》。主題都是一樣，一間困了999隻幽靈的物業。大致就是講大宅主人因為失去至愛，因而委託一位出名神婆來召喚其靈魂。但是每次召出的都不是目標。隨着儀式日日夜夜舉行，終於召到一位邪惡不速之客，而神婆亦被反噬。多年之後，苦主女主角購入想改成民宿，先至發現想逃都逃不了，再請一大班「專家」幫手⋯⋯> 頗喜歡今次故事金分別用細路與大人的角度去看失去至親/摯愛的經歷中段男主角自己提及製造影鬼相機的原因，該場真的虐心飆淚。好有共嗚當主角媽媽話不在人世的人會有「徵兆」來安慰現世的人，好似最後的「薯波」伏線真的好鬼感人，觀眾都如傷心的男主角安撫了一下。上一套老鼠發行用類似喪親主題是同年的《凶門惡煞》(The Boogeyman, 2023)。往生者不復返唯有放下才是對自己最好，好多時人要有人開解才能想通。> 每個角色都有發揮所長去參與解決問題，分配都算平均黑人細路 Travis 真好鬼出戲，尤其是有幾次無奈的眼神。而請來的「經驗豐富」的靈媒通完靈，找到貴族主人講線索之後的「從容不定」亦好盞鬼。而男主角雖然口講不相有鬼，卻自製出一個可以拍下另一個世界的相機。亦因此請(騙)來幫忙。每個不幸參與當中但能手攜手找出出路。> 是次翻拍着重畫多過聲。見視覺設計是由《創戰記》的Darren Gilford所負責，所以本住這個希望觀看。今次畫面上的確豐富，在這個鬼地方呈現超自然的東東。刺激與搞笑位鋪散進度上。前段逐一引入角色比較慢，還好亦有少量Jump-scare醒一醒神。各種不同的鬼魂演員都好得意，之不過出場就稍縱即逝。還有百般的彩蛋，經典的有臉蠟燭、會動的盔甲、精雕的管風琴之類。而音樂認真一般，沒有預期的歌舞劇。> 結尾Marvel式集結打走鬼怪，然後就是迪士尼的開心大團圓結局迪士尼樂園講真比較少去，剛開幕去過一次只是，《迷離大宅》當時都未有。睇完都有點心動去試試這個機動遊戲。然後下套九月的《A.I.創世者》預告的飛船設計超型。用來保議人類的AI卻在主要城市放下核彈一開始，究竟AI點解有如此行動，又有甚麼方法解除AI呢？