把幸福拉近一點

故事偏老土，基本上都估到哂後續情節；剪接未到怪但都係麻麻地範疇；拍攝技巧都不甚高明，賣弄左幾個花巧鏡頭老實講都無乜美感，整體劇本同拍攝手法算水準之下。但套劇嘅賣點：溫馨+勵志，定位明確。溫馨方面無論係凌文龍主傭線定明禎朋友線都十足：可能有人會話，車凌文龍好彩有錢先有得醫病有工人照顧！但凡事兩面睇，佢咁有錢反而有病失去自由，唔見得比其他人更好。而照顧佢嘅幾位傭人+醫生雖然有出糧，但拍出黎一啲金錢庸俗感都無，導演刻意放大左「愛」呢Part；明禎友情線都係啦，開頭以為佢啲fd會出賣佢之類，去到最後都係「關懷希望愛」。拍到咁極端出到黎都唔怪同算好睇，可能係導演係角色性格上處理得幾好。去到理應最煽情個part都有說服到我，感動到半分，係之前90分鐘同角色們培養到感情嘅結果。最欣賞明禎同凌文龍嘅關係無夾雜任何愛情，處理得好好，無走狗血愛情線，明禎非常符合到個角色，演活到個種QQ又跳脫感（雖然佢都係做開呢啲角色，可以話駕輕就熟；另一個講法就係：無突破囉！）凌文龍一貫水準，無咩特別；Coffee 做戲就麻麻，不過佢本身係大銀幕出現已經係驚喜；最後特別想讚下做凌文龍傭人個兩位演員：羅浩銘同譚嘉荃，佢地做關心老細嘅傭人真係好溫馨，令套戲昇華不少！總結：套戲劇情同拍攝手法真係好麻麻，但好多角色都有性格有溫度，係一套成功宣揚愛與和平嘅勵志片！我比不過不失嘅3分！但有0.5分係比全盛時期，啱啱30歲嘅明禎BB！（套戲係3年前嘅倉底貨）真係拍得佢好靚好QQ🥰

個人覺得這套戲是可以的，雖然導演在技巧執行上有些許瑕疵，但整體而言是可接受的。老實說我會形容，如果沒有明禎B，套戲便不會如此亮眼，當然她本身已經是亮眼之處，更重要的是她在演繹上，無疑令這套戲活起來，她這份樂觀和直率令整套戲生猛起來，而這樣搭上凌文龍，效果是有出 的來，加上尾段這段精準的情感爆發位。這點是需要讚賞的。但我覺得凌文龍這次的演繹很生 好不討好。而導演在故事執行和敘事處理上很不自然且有瑕疵，他在許多起承轉合 上 生的處理很硬，不流暢且不自然，雖然他有加入一些配角來點綴，但效果不佳。痴·影·夢·藝 X 的專頁 https://www.facebook.com/ckwunmovie/

3.8⭐首先林明禎擔正女主，鍾意睇林明禎嘅已值回票價。😍講返套戲。本片屬低成本製作，冇大卡，亦冇華麗畫面，來來去去幾個場景。故事亦有點老套，但卻係真人真事改編。不過戲中余安安對白刻意詳細提及醫管局同政府有啲突兀，令人出戲，而戲中男主角咁Q有錢，做乜重要等政府批准疫苗入口？直接飛去外國打重快重平啦！演員方面，明禎BB搶哂鏡，表現亦不俗。但男主角化妝同演譯就不太似病人。另外，本片亦可以見到一啲久違了嘅演員。整體電影有沙石，但有意義，有誠意，亦有啲感動位嘅，值得入場支持下。PS. 林明禎喺你面前流眼淚，作為一個健康正常嘅男人，好難唔為此動容。🤣🤣🤣

雖然以病症為題，但完全沒有同類電影的壓抑感，女主角充滿正能量的人設，慢慢地照亮患病男主角的心，過程愉快又治癒，加上早期以男女主角各自的心願為主軸，使劇情有張力，最後的收尾亦極具感染力。4.7/5 （93分）

故事雖然老套，仍看得輕鬆。自述情感的對白比較長。現實太真實，再多的錢賺到買了個希望卻無力勉回。這類故事或許都有少量捧場客，沒有多大想看的吸引。#林明禎 就比較跟以往演出同質。現實總有不同的麻煩事情，戲中的她依然選做好人或戴罪立功。初初見海報還以為她跟男主角是一對，不過一開頭幽默演奏一段解釋大致關係。婆婆情況亦甚為經典，以致偷錢的位都無特別。#凌文龍 就靚仔加任何種類的電影都合配。今次這個有錢人設定都可以，他有老細的氣勢，對比之後真的「乏力」的氣餒。某一刻還以為是《IT狗》的延伸。每況愈下的病情演得好愁心，但可能套戲太正面而毫不催淚⋯⋯這個病大致都明，重覆幾次就更唚氣。請來的僕人及司機忠心，好奇真實主人公因何事有如此親密的幫手。臨終治療或許盡量就是盡量完成可以完成的事情，尤其知道無藥可治。#林芊妤 Coffee作為女配角還算可以，開頭的小提琴出演亦好趣致。然後一跳就到尾先見她再出現。雖然最後大團圓共「車」略為尷尬。最有趣且關鍵劇情可能是願望扭蛋機。還以為兩人都會前後抽到啟示，豈知得女主角再抽。還有片尾這部機都幾「動人」！

劇情、拍攝手法老土，無法捉住各演員優點，悶場不少。