分期付款愛上你

故事似曾相識，自殘收數、戀愛合約、古惑仔改過自新、大耳窿競選議員……，這樣題材很多電影曾出現，現在抄埋一碟，問題是沒有擦出火花。情節推動太慢，男女角顏值不俗，太多面容特寫，則忽略這是電影，時間減少半小時，可能電影更充實。喜歡發愛情夢的浪漫者，較適合觀看。

前段嘅鋪墊稍長，而女主角出現後好睇，好笑得嚟感情發展迅速，但後來嘅轉折卻係相當難過而非感動。到最後係估到結局（未睇過原著）4.5/5 （90分）

我就無睇韓國原版，但我就覺得台版《當男人戀愛時》好睇少少（《當》有4分）一黎人類就係犯賤，第一次睇《當》劇情時的確係震撼啲，二黎泰版劇中嘅文化又比台灣隔我地香港遠啲，硬係有少少水土不服。泰版比較著重男女主角感情戲多少少，台版反而有唔少筆墨形容男主家人；而且台版最後女主照顧埋男主家人+男主幫佢阿哥買左盞燈更令我動容（舊戲應該唔算劇透吧）；泰版男主家人少少路人feel，最後仲要整個半BBQ結局拍到好TVB…….另一幕我覺得做得唔好嘅係問事頭婆攞返錢個到，台版簡單直接石油氣攬炒，個下覺得邱澤勁撚到震，印象勁深刻；泰版個幕又長又噆氣，對白又冗長，一啲都唔瀟灑，呢下係幾失望嘅。同埋泰版男女主角顏值較高，比較唔似古惑仔；相反邱澤就入型入格，講埋台語實在入木三分！但我自己就唔反對睇泰版個對靚仔靚女嘅！最後講愛情線上兩套就各有千秋，兩者都比到甜蜜感覺觀眾嘅，但泰版係細節、剪接同劇情上實在有啲沙石，加埋台版邱澤演出實在太型棍子。所以結論係《當男人戀愛時》略勝《分期付款愛上你》 一籌！

It has a Thai style to it and with commendable actings both on the male and female characters.

改編電影劇情有點老套但整體可以接受為左bright而睇😹