怪獸8號：Mission Recon

3.7⭐冇睇過TV，第一次睇。感覺好似睇緊以前咸蛋超人嘅現代動畫版：1. 同樣怪獸肆虐日本2. 日本有一隊專門打怪獸嘅防衛隊，維護日本和平3. 防衛隊其中一員偶然怪獸上身，需要時可以變身，不過唔係變成超人，係變成像超人一般有強大戰力嘅怪獸(其實等同超人，只係外觀嘅問題)，對抗怪獸。既然係新作品，當然唔會所有嘢一樣啦！防衛隊隊員均穿上能提升戰力嘅戰鬥服，同埋各自擁有其獨特武器，足以同怪獸匹敵。整體故事大概都係防衛隊打怪獸保衛日本，同埋隊員間嘅熱血故事。不過有樣嘢我幾喜歡嘅係本作對其世界觀有較深嘅描繪。以前嘅咸蛋超人比較單一咁打怪獸，打完怪獸就完場。但本作對打完怪獸之後嘅善後都有描寫，例如會有專人(食環？😅) 去處理被打死嘅大怪獸、日本人喺當時嘅生活日常等等。本作最後果十幾分鐘嘅保科放大假就係描寫防衛隊放假時嘅生活，亦見到日本市民/小孩喺怪獸横行下嘅日常生活。整體新意上唔算好多，都係一啲典型日本動畫元素包裝一下嘅新作品。一看無妨。PS.• 處理怪獸屍骸幾有趣，如何切割都係一門學問，亦有其工傷嘅可能😅• 其中一個關注點係各防隊員嘅獨門兵器，把大斧幾有霸氣• 電影中冇解釋怪獸來源同某小怪獸為乜要選擇男主角，唔知TV版有冇解釋

見到有影評話係第一季動畫12集濃縮版，的確對fans不太友好，但對我呢個non-fans嚟睇得津津有味。男主角個角色好易代入到，體能差資質差但都喺隊伍中搵到自己嘅定位，加上變身最強怪獸嘅能力，角色設定引人入勝。配角方面都有明顯嘅性格描寫，兒時有過約定現在卻強得遙不可及的米娜隊長，性格陽光外向戰鬥力遠超新手的四之宮，善解人意常伴男主角左右的摯友市川，男主角的伯樂但身份撲朔迷離的副隊長等等。最後15分鐘個番外亦相當出色，幾輕鬆好笑，緩解咗主線劇情嘅壓抑感，令我可以笑住行出戲院。相當期待第二季動畫。4.7/5 （93分）

人到三十卻成為了入了防衛隊⋯⋯的目標。努力過不代表考到。破壞亦帶來建設，男主角則作為怪獸清潔隊的日常。雖然必要的洗血、處理屍體，但人人討厭清潔工。不只出口有8號，今年怪獸都有。幕後英雄無人揮手致謝，腸味難頂的地獄這個清潔隊設定之後無再提及就有點可惜，之後都是爽文劇情。　　最想跟現成電視頭條人物的青梅竹馬作為清理怪物的戰士，卻諷刺地一夜吞下怪物的力量但保有人類意識的怪物，反而借助怪物能力昇級而考上防衞隊⋯⋯的候補生！搞笑能力滿分。他是人類不容質疑，因為變成怪物也不會隨處便溺，Never break down！　　三十二歲還有一年就不能再考，雖然成為怪物也要破釜沉舟。真的nobody能及，這個大叔味還有怪獸味，不要提那個無所畏懼的笑容。外掛戰鬥服加持還是0%，練兵一時，有充足球場的怪獸知識果然知識是力量。跟出名人家四之宮的資優生奇可露更要作出更多應該的努力，太好笑啦見到男主角萌萌跪求她不要講給他人他的秘密。　　不過之後加入討伐隊就不是秘密，人人都皆知啦基乎。訓練日常之間，紙包不住火，對住怪獸敬禮。落榜也要再試。雖是怪獸，也不一定都是敵人。　　早就公主抱、白髮的市川雷諾更是男主角的好基友，亦是最早得知男主角的怪獸秘密之人。作為save了他life的恩人，當然不能不對前輩更٭愛惜。這對CP也好好笑，先鄙夷厭棄再成為英雄目標。男主角真的心在福中不知福，真愛一路都保護自己。支持他考防衞隊，雷諾作為背後的男人連官方都要要總結。女主角不分性別的，這部也是BL番。識講人話的九號白怪又會如何搶回落入人類的怪獸之力呢？第二季開播前，真的要再研究再打過。

只係將12集壓縮到105分鐘…所以啲畫面係一模一樣嘅，然後剩低15分鐘就係冇乜意思嘅所謂番外篇，係講保科副隊長放假的一天點樣過，仲要呢15分鐘冇乜趣味，冇乜意思，如果特別鍾意副隊長可能都會開心啲。坦白講，呢120分鐘都幾冇誠意，佢呢種炒冷飯仲要cut頭cut尾，唔似鬼滅電影版嗰種完整足本嘅一半新一半舊，講真睇嗰陣真係打咗個突。怪獸8號本身好睇，但呢個冇電影版，淨係值3.5分，已經係一個好俾面嘅分數。當然如果你完全冇睇過怪獸8號、已又對呢類動畫有興趣，都係一個值得入場睇嘅濃縮入門版嚟嘅。

返屋企睇好過，浪費時間

#怪獸8號 TV總集篇電影版觀後感🙄🙄看完後確實有些失望。 儘管事先已知這是TV總集篇，卻沒料到刪減如此之多。 將12集TV內容濃縮至105分鐘，確實面臨取捨的困境，但關鍵場景的缺失著實令人遺憾。 特別是幾場展現實力的重要戰鬥場景全部被刪減：8號與9號的初次交鋒不見了，8號與副團長保科的首次對決消失了，甚至第一季大結局中8號對陣四之宮功的高潮戰鬥也被砍掉了。 這些本應在大銀幕上呈現出更震撼視覺效果的戰鬥場景，全都付之闕如，令人惋惜。 影片最後15分鐘的番外篇內容也稍顯單薄，僅僅揭露了保科不為人知的另一面──表面與其形像不符的隱密一面。 這個角色似乎藏有不可告人的秘密，但番外篇並未深入展開。 坦白說，與其觀看這部刪減嚴重的總集篇，不如重溫完整的第一季TV版12集。 電影院版刪減得實在過分，連最後兩集的內容都完全沒有涉及，讓人不解其意圖何在。 儘管如此，我仍然對即將於7月開播的TV版第二季抱持強烈期待！ 希望第二季能延續第一季的精彩，帶來更完整、更震撼的觀賞體驗。