你的名字 (新海誠的電影世界)

當年上映已睇過一次，今次因為 optimized for IMAX，所以又睇一次。本片都係一貫日式愛情、穿越、命中註定題材，並不十分新鮮(就算以當年嚟講)，但新海Sir 處理得唔錯，故事流暢冇乜混亂，上半場男女身份對掉亦玩出趣味。Bug位、老套位、唔合理位係有，但比同類型片已算少同唔太過分，仍睇得舒服。不過男主角對女主角由冇愛變有愛意嘅轉變似乎欠著墨，有啲速咗。電影製作同樣出色，多年後再睇依然 update 冇過時感。本片分鏡係最出色，富電影感，亦令場面變得更具氣氛同氣勢，令觀眾更能投入情感，比好多同類型真人電影更出色。本片今次以 IMAX 規格上映，聲畫倶佳，值得入場欣賞或重温。PS.• 入場送透明膠質A3 poster• 上半場男女主角互換身份生活，經常喺筆記簿同肢體寫字溝通，冇理由一直都冇問對方名字同起底，就算唔問都應該好了解對方背景同個人資料，因為經常喺對方圈子生活，咁片尾就唔駛揾對方搵得咁辛苦。• So far 都未遇到過一套冇bug 嘅穿越戲。

個人排名歷年最佳電影+imax+送超靚海報，真係無得輸，雖然劇情都記得大半，但去到感動位依然係喊到癲！人間仙境一樣的糸守町，夢境般的“黃昏時分”，仲有最出名嘅彗星分叉，每一幅畫面都係絕美！由於係翻睇更加有時間注意細節，前期老師跟婆婆的話都是關鍵設定，歌詞亦好有意思！4.9/5 （97分）

畫功登峰造極，場面設計心花怒放，色彩繽紛，故事高低起伏令觀眾心情乘着過山車🎢，立花和清水嘅相知相識到最後相遇，感覺和楊過小龍女差唔多咁蕩氣迴腸，片尾主題曲唱出電影主題，令我站起來又坐下來，呆坐感受至音樂停下，清潔工人催促我離開為止。哩套係我睇過最感動嘅日本成人童話，浪漫到我特地跑去諏訪湖親身感受，但原來嗰度好繁榮，仲要係旅遊熱點，酒店林立，果然浪漫嘅愛情故事總是經不起現實嘅碰撞，碎了嘅畫面讓人回到當下，放低幻想繼續日常，但每次提起《你的名字》，心頭便泛起一陣暖意，覺得這個世界還有希望，即使係虛渺嘅期盼🤣🤣🤣

每年九月是戲院淡季，今年戲院安排唔少重量級港產片重映，亦有新海誠作品重映。頭炮你的名字是我初接觸大師的作品。九年前第一次看這部動畫覺得驚艷，現在重看雖然對劇情記憶有點矇糊，但畫風毫不陌生，IMAX巨幕更覺震撼，特別是隕石劃破天際的時刻！.呢套動畫真係好好睇，二人經歷過錯誤的時間點，沒有記憶卻又有種意識上的連繫，每一次相遇都令人覺得感動，加埋超正既配樂，睇到笑中有淚。.今次Moviematic重映包場戲票及禮物好靚好揼本，院商送出的半透明膠質海報都好靚！！.觀影平台: 英皇戲院iSquare.IG: AndyMyFilmography/ #AndyMovieReview

依然係我心目中數一數二嘅出色動畫，當年入戲院睇過，事隔多年出IMAX版梗係要入場支持，喺巨幕加持、再配埋呢套戲嘅出色音樂，成件事更加有feel，畫面更加靚，感覺依然震撼同激動，過咗咁多年仍然覺得感動，正！

《你的名字。》我已經睇第三次，主要係攞特典同睇IMAX版。九年後我老了再睇IMAX版當然有唔同感受，九年前嘅電影已經畫咁咁痴撚線，新海誠嘅電影出一套我睇一套！劇情其他野等想偷懶唔講了，話哂都睇左3次，只能講新海誠災難三部曲各有各好，三套都我勁鍾意，如果一定要排的話我係《鈴芽之旅》觀後感都講過- 你的名字 > >>> 鈴芽之旅 > 天氣之子《你的名字》作為首部曲，我第一次睇個種震撼感到而家都記得！雖然宮崎俊都好正，但神明+奇幻+絕美畫面黎講我都係鍾意我嘅童年回憶新海誠多啲！黎緊期待入戲院睇更多新海誠系列重映！