反斗車王 3

新老交替只可惜不是自己赢返第一有点不想看到

從歷史車神學習，賽道車王也險些成為歷史。tactical win.

配音cast強勁，各色也獨當一面Jan同西瓜帶動得很好很合拍畫面一樣有數不盡的車仔睇故事正能量講傳承，家庭日必看👨‍👩‍👧‍👦

小朋友會開心大笑，大人會好快瞓著⋯

輕鬆小品 簡單易消化適合港燦老而不收看

反斗車王呢個系列,集集都係入戲院睇,集集都鍾意睇,第一集就係講“麥坤”同賽車比賽,第二集就係講“哨牙嘜”同特工,兩集都好鍾意,既然而家出第三集,緊係入戲院睇啦。 睇完之後,有少少失望,因為上一集講特工係好好睇嘅,但今集感覺上冇上集咁精彩,劇情嘅質素冇上集咁好,不過今集都算係好睇嘅,劇情、畫面、配音都好好,所以整體都滿意嘅。 畫面同配音方面都好好,畫面一如以往咁靚,今集嘅畫面仲靚過之前,至於配音方面,主角“麥坤”一如以往都係由林海鋒配音,新角色“小薑”由網台DJ西瓜配音,佢地兩個都配得好好,配得好好笑,不過“哨牙嘜”換左配音,不再係由葛民輝配音,所以有少少失望,不過都係影響吾倒劇情,劇情都係好睇嘅。 劇情方面都好好,今集同第一集一樣,都係講賽車比賽,不過今集有D吾同,今集講D新賽車不斷贏班舊賽車,而班舊賽車個個都想退休,唯獨“麥坤”吾想退休,想做返冠軍,呢件事喺現實成日發生,正所謂「舊不如新」,呢件事成日都發生,所以不論人定車都要面對,今集個新角色“小薑”好重要,個結局更加係估吾倒,由於有個咁嘅結局,所以如果有下一集,“小薑”一定會出現,今集“哨牙嘜”出場嘅次數非常少,今集主要講嘅角色淨係得“麥坤”同“小薑”,其他嘅角色出場甚少,不過都滿意。 今集嘅劇情、畫面、配音、角色都好好,所以整體都滿意,感覺三集裡面都係上集最好睇,不過都推介各位去睇,粉絲更加要睇,最後提提大家,片尾係彩蛋架,睇完先好走呀。