閃亮的歌聲

以下是我對這套戲的評語：我覺得套戲是出色和感動，導演處理得不俗，講真我覺得整套戲的重點是描寫家庭關係的變化，導演在這方面的處理出色和感人，他在今次是可以寫出家庭的互相包容和支持女主角從自己的方向來達成自已的夢想，講真今一個家長都想自己兒女一直留在自己身邊（這個家庭特別之處是她是他們一家溝通的橋樑）。這個對立的設定的確可以令套戲在更有可觀性。但到最後他們明白和了解她，這樣的描寫是感動。當然導演在整套戲加了頗多一些關於手話溝通的笑話（有一些頗為有味的）。這樣的做法我覺得是令整套戲輕鬆一點。至於歌唱方面，我個人覺得今次的歌是唱得不錯，女主角的唱功幾好聽的。演員方面，女主角的演繹我覺得是出色，她可以演繹出少女的情懷和對男生好感的情懷，當然演繹她的家人的三位聾啞演員的演技也不錯（我最喜歡爸爸的演繹）PS:我個人覺得在情感演繹上這套是比同期的唱出我天地出色，歌方面我覺得兩者各有出色之處。

感人當中不失幽默。特別鍾意男女對唱，全場投入，就只有一家三口，因為聽唔到，完全唔知個女唱乜嗰段嘅效果。大家一齊感受嗰一種無助，無耐。喺巴黎AudItion 嗰一段，一邊唱一邊做手語俾屋企人睇。非常感人。

電影講有個小鎮有家人全家都係聾啞但唯獨係其中一個女就冇事而個女加人學校合唱團之後被老師發掘推介去巴黎音樂學校但一家人就唔想個女離開屋企最後到底點收科呢？電影算好看每個演員都演得好自然而角色描寫恰到好處爸媽，細佬，老師，男同學，學校老死，每個角色都有鮮明形象特別係鍾意一家都好咸濕呢個搞笑設定Gag位都ok, 最搞笑係一家上電視女主角做翻譯果幕成套電影個節奏好舒服，風景又靚，真係冇乜冷場但我覺得個劇本主幹就真係幾易估到劇情發展，冇乜太大驚喜煞科戲冇太感動到我我仲有d嫌套戲最後廿分鐘唱得太多歌(不過係幾好聽嘅)有趣嘅係check返imdb原來爸爸係<代客界女heartbreaker>入面個搞笑姐夫而學校老死係<白色恐懼the white ribbon>入面其中一個奸險細路睇之前都完全冇諗過會再有機會睇佢地演出另外女主角都演得好好，鄰家女孩感覺討好，響法國都拎左最佳新演員獎睇完響度諗呢家人咁溫馨搞笑發展成劇集應該好睇過<愛回家>同埋，個女主角唔知點解有d欣宜feel,可以搵欣宜演呢個角色

故事雖然簡單，平淡中拍出有代入感，音樂好听應記一功；結局幾感人 \0919

一套又有感動位又有幽默位嘅戲，戲中嘅角色仲需要用手語，對演員嘅要求都幾大，而幾位演員亦做得唔錯，尤其係女主角。女主角演得非常好，唱歌固然好聽，又要用手語又要講野，確實唔容易，睇完套戲查番資料原來佢真係歌手黎嘅喎，阿爸阿媽亦都做得唔錯，尤其係睇醫生個段，真係笑到停唔倒口。結局非常感人，女主角一方面唱歌比評審聽，一方面用手語解釋番比阿爸阿媽聽，個段睇到差d標眼水。