飛鳥俠

以下是我對這套戲的評語：我覺得套戲是出色和很有突破的，導演手法高超，他可以透過這個過氣的演員在百老匯舞台上一個不平凡的一個演出來道出演員在真實和幻想的一次經歷的，首先我不得不讚今次的鏡頭運用，他今次大膽時以一種近乎沒剪接和一個長鏡頭來拍攝的，我覺得這種的拍法是可以更有舞台劇的感覺，和整套戲的主調很配合。在另一方面又反應出導演的功力的。在這方面我是十分讚嘆的（我覺得今年的奧斯卡的最佳攝影是他的） 。當然我都覺得導演在這個故事中是對近年的大熱的漫畫英雄片和整個荷里活生態有一種獨有的睇法。至於演員方面，今次男主角米高基頓的演技是實在出色，（尤其是他在發神經時這種演技最為出色和有影帝風範） 我覺得這個角色正正是和他的情況十分配合，所以他演出這個角色時的確是配合的，加上他獨到的演繹方式更令我很喜歡他今次的演出的，當然今次的男女配角艾瑪史東和愛德華諾頓的演技都出色的 PS:睇完這套戲後我覺得今年的奧斯卡最佳男主角非米高基頓，我覺得他這種的演技我覺得是他奪影帝的時機。

适合的行的人不适合无耐心人看

原來人係無須太多思想和學問，就會生活得更加開心，我哋以前都聽長輩講：但願生兒愚且魯，無災無難到公卿。戱中里根湯臣係演飛鳥俠嘅過氣巨星，今日淪為舞台劇小角色，成日記住往昔風光日子，內心氣憤難平，即俗語所謂「唔忿巢」，有次佢囡囡同佢講：You are not important. Get used to it. 最近城中有個過氣高人 Mr T 應該去睇呢套戲，細味個中對白，或者會開心啲。好少睇到這類片種，編導大膽嘗試，超搞笑，向荷里活同行開個大玩笑，嘻哈胡鬧中其實好有哲理。這裡有啲朋友話套戲唔知講乜，好悶，或悶到瞓咗。不曾長夜痛哭，未足以語人生，這些朋友多半係九十後，人生經驗尚淺，所以無法感受到飛鳥俠嘅內心苦悶，建議你哋去睇多次，一定有獲，尤其要聽英文對白。

堅好睇，模仿一long take過uncut嘅效果，雖然用cg用全黑位掩飾，但畫面調度構圖，camera movement演員走位，要設計配合得好好，先有咁嘅效果。以cinema表現theatre效果，但時空更大更連貫。內容講述演員（表演藝術）ego，用Michael Keaton擬似夫子自道Batman。同阿女拗嗰場好精警。「You are not doing art. You just want to be relevant. Like many other people working hard on it. You are afraid of death.」（仲加埋新世代存在主義「You hate blogger. You mock.twitter. You even don't have a facebook account. You don't really exist.」）全場對白精警，角色細膩立體。以0視覺剪接嚟講（冇畫面快速閃嚟閃去），竟然全無冷場，drama豐富自然。一星期睇2齣好戲，feeling good.

完全唔知想點 講道又講唔到乜反思英雄片又反思唔到乜加上全場連貫極煩擾鼓聲正常人唔會識欣賞