變形金剛：殲滅世紀

以下是我對套戲的評語：我覺得套戲總體上是可以合格的（主要是特技出色令我對套戲挽回了很多的分），故事結構上我覺得今次的故事的確比前三部有進步的，但是最令我失望的是他所拍的香港的取景（尤其是在美國搭的一段）令我有一種九唔搭八的感覺（情況像舊年悍戰太平洋一樣），我覺得他除了走不出外國人對香港的舊觀念外，更致命的是他可以連地理概念都亂作的，最嚴重的一點是他可以將鰂魚涌和桂林連在一起，這樣的都可以拍出來令我有一種哭笑不得的感覺。特技方面，我頗滿意今次的特技，尤其是他們懂得將分子結構元素放在這裏，有一幕最令我深刻的是甲威龍在公路上用分子分解的特性來過路障的一段最為出色。至於故事結構方面今次故事比舊三部曲是有進步的，最少今次結構比較完整的，當然睇這類片劇情是次要的，這點我明白的。 PS:我身為香港人來看這套戲，我有一種對在套戲中所謂的香港有一種生疏感，我想有一直話想對荷里活的製片人說，我不在乎香港是否被毀滅，但你們最少下次給我真真正正的香港全貌的

主要看3D和機械人大戰，绝無冷場，睇番HK實境，無乜特色，全都是高樓大廈，本土特色已失去……唉！

1. 以下有劇透2. 請不要like或unlike一星仔和打手講劇情，真係冇野好講，同之前3集冇乜關係，人類角色換哂人，無需考慮連戲，內容依舊犯駁，成架子機比柯柏文偷左，地獄獵人要差唔多番到家鄉先發覺，然後光速折返再打過，真係搵戲黎做。不過，算喇，科幻片一向都唔講邏輯！講特技，睇過前3集，發覺哩集冇乜新招式，所以都冇乜新鮮感。講打鬥，仍然係一堆顏色打到七彩，眼花瞭亂，極視聽之娛，追求官能刺激的觀眾應該滿意。講節奏，仍舊明快，快到無時間讓觀眾思考，當然亦冇乜值得思考，但最主要係令觀眾來不及發現劇情犯駁的地方。講演技，變型金剛就梗係冇架啦，但麥克華堡演得很投入，有血有肉；其他嘅角色可有可無，但都恰如其份，包括李冰冰，可惜她被包裝得膚淺庸俗，不能讓中國觀眾印象深刻、有引以為榮的演出。講切入點，噢，原來恐龍絕種唔係殞石撞地球，係外星人探測地球和入侵的結果。變型金剛原來係6億5千萬年前已來到地球，那時人類還未面世，交代左變型金剛無喇喇由地底爆出黎嘅原因，原來係「內置」多年！講伏筆，結尾柯柏文帶著「種子」飛往太空遠處，要找造物主研究歷史，噢，又一個浪子回頭，「尋找他鄉的故事」，返祖歸宗尋根，和「普羅米修司」結局殊途同歸！只是預告左一兩年後會有第5集，變型金剛迷可以有所期待！另外，國產格威龍（複製麥加登），在柯柏文忙於大戰地獄獵人時走甩左，喺柯柏文行開後，可以乘機率領狂派再起⋯⋯咁係第5集，還是係第6集嘅劇情呢？講教訓，人類為得到高科技，不惜埋沒良知，與外星人交易，出賣柯柏文，換來「種子」，得到變型金屬，但無法駕御，結果當然是人類滅亡。又係D陳腔濫調：科技發展太快，會滅絕人性和人類，所以都係戒急用忍，慢慢黎，順其自然之類！講故事發生地點，套戲差不多三分一時間嘅場景喺中國，反映中國而家錢多駛唔哂，比多D贊助費，荷里活也得屈從現實，到中國取景，也方便藉此吸引13億人嘅龐大市場。不過，人家仍不忘諷刺人類之所以揀中國生產冒牌金剛，係睇中中國係老翻聖地，世界工廠最適合廉價複製外星科技，侵犯知識版權不限地球，即使外太空高級生物的也一視同仁！我諗當柯柏文將國產金剛打到粉碎，還吐出一句「最憎A貨！」美國和西方觀眾一定全場起立，不停鼓掌至少15分鐘！最後，套戲在香港攞景時比人勒索，成了套戲在港上演的最佳宣傳，睇見D香港景物都覺得有D親切感！不過兩種香港人睇住真假金剛將中環打到稀巴爛，自然會有兩種懷抱，支持真普選嘅諗「如果變型金剛幫手佔中就好囉！咁就唔怕港警同解放軍啦」親中和梁振英又點諗呢？「打啦，打啦，打到爛哂，睇你點佔！」不過，親切感都係假嘅！中環D街邊有咁闊？香港邊有舊城牆同大圓拱門比真假金剛打爛？更加冇好似桂林山水咁清幽廣闊嘅地方比柯柏文訓話，等佢可以向狂派巨獸勸降，共同抗敵！真佩服荷里活，連個假嘅香港都做得出，真係做戲咁做！你梗會話「算喇，如果你認真就輸哂喇！」

IMAX3D好正！全新三部曲开启！

成套戲不斷玩變形、劈殺、開槍，講得好聽就話熱鬧、目不暇給，其實真係好嘈吵，眼睛疲勞。只覺得在香港拍那幾場戲至有番啲睇頭。陽剛而有啲正氣的柯柏文配上麥克華堡的父女柔情，也幫補不了多少，勉強也有3粒半星喇。

真係最差最差最差的一集