愛是神奇

真佩服 Terrance Malick，繼 The Tree of Life 後又一次用造作的情緒表達方式宣傳神之愛，耶穌幾神幾偉大講極都不厭，當然今次主題同檔次都比較低。黛Lin愛上城城，城城花心蘿蔔愛上過眼雲煙苟姑娘，你背叛我我背叛返你，求上帝指引明燈卻永遠只能自說自話。如果五分鐘的 MTV能帶人To the Wonder，這 112分鐘就是帶我 To the Hell，更高招的是正當身旁觀眾紛紛向睡魔撒旦投誠，忽然異常響亮的音效同交響樂又將你叫醒睇埋台馬騮戲。唯有攝影鏡頭算是較為可取一環，選景取材與自然光配合的美的確無與倫比，就此一邊看錶一邊看黛Lin跟鏡頭跳跳轉轉到完場。若仙境本該如此，我寧可到地獄走返轉。

除左個悶字我都唔想再打任何野去評呢套戲了簡直係中伏之作神奇真係神奇！！

從電影節百幾部電影中選了生命樹大導的宗教電影來看，真天大錯誤，早知先上imhd睇下影評。電影中有幾十分鐘只見女主角頭向天在轉圈，佢自己旁白感謝神的偉大，好難頂。我都信神，但這種表達手法恐怕不是普通人能接受。你咁幸福，我妒忌神沒令我同你一樣幸運及幸福。最難頂系點解一套咁嚴肅的宗教電影居然有裸露床戲，我點叫D虔誠單純的教徒去支持。大師，我這個凡夫俗子理解吾到你想點。散場時，照例大部分觀衆拍手。我更覺自己系凡人，你地（包括我前面那位女士，聽見我從膠袋取東西便回頭卑視我的尊貴女士）系聖人。自覺系聖人才好好支持此片。imhd 都有好多凡人給低分。

我見到有位影友給五分並詳細講其優點，我忍不住講幾句。我自問睇過幾千套片，什麽所謂悶片我都睇過，好多悶片我吾覺悶，吾系因為我研究電影或自問博學，系因為好多悶片都能夠帶動我的感情。但這套片系我睇過幾千套片中最頂吾順咁悶。佢D手法甚至令人反感，我忍得好辛苦才捱完兩三粒鐘（我看的版本好以長D）。我認同風景、攝影及音樂優美，但這套不是旅遊介紹或紀錄片呀，你講故事不但不令人投入，更令人反感。我相信真系有資深影評人或虔誠教徒（警告：有裸露畫面）欣賞這片，但我警告，如果你想挑戰自己的藝術眼光或對神的敬愛或忍耐能力，才好入場，不然，去看超級爛片“天機”好過。

如果我早d知係「生命樹」大導的作品，我一定不買票入場！

要同影友---filmcrazy 講聲sorry! 沒有相信你的影評，今日去看此片。真係極度失望，唔知成套戲想講什麼。一生未睇過咁差及不知所謂的電影。（星星評分，是被迫要俾）