鏡之孤城

一部奇幻、時空穿插嘅動画電影。本片藉7個少年“被邀請”到一個異世界參加一個尋匙遊戲,在特定時間同規則內成功揾到鎖匙嘅一人可以得一次願望成真嘅機會。在尋匙過程中帶出7個不快樂嘅背景故事,以及各人互相支持,重新建立自信,勇敢面對將來嘅故事。片中7個背景故事其實喺現實世界時有發生,而7位少年從互不相識發展到互相扶持,充滿正能量,所以對一部份觀眾會引起共鳴,同時帶出人生正面訊息。全片充滿奇幻同迷團,7人背景故事互相穿插,但互相又有啲關連,有啲難消化。到現在有啲位我都未唸到有咩玄機係裡面。😅 同時由於有7個背景故事係裡面,感覺唔到“主體”係乜。整體嚟講本片係比較成人向,內心戲多,亦有燒腦,加上翻譯隔咗一重, 睇一次未必能完全了解故事內容同體會戲中訊息,有翻睇嘅需要同價值。

戲裡面嘅城堡嘅色調及格局，如同世外桃源，主角群大部分時間都係閒談，休息，放鬆心情，雖有主線任務在身，但沒有一般奇幻電影的緊張感，反而係讓觀眾都有一種舒適嘅感覺，加上善解人意嘅輔導老師，好推薦現實中遇到問題嘅朋友睇呢套戲放鬆心情。而俾5星嘅原因係因為後段劇情真係好爆同埋好療癒，幾位主角遇到嘅問題比我想像中更嚴重，結局雖然估到一部分但依然非常震撼及感動！仲有就係片尾曲好好聽，曲風亦符合主題，睇完心情真係非常好，會考慮二刷。(agree好睇過鈴芽) 4.8/5 (95分)

源自辻村深月同名得獎小說然後由武智富動筆繪成漫畫版本先後兩次搬上劇場 舞台劇兩度公演2022年尾卡通電影🎬即本片 在日本公演小說故事應該很細膩動人 否則不會得獎舞台劇亦應該很有感染力 否則不會二度公演但動漫電影就效果一般因為武智富嘅畫工還比不上宮崎駿和新海誠導演原惠一說故事的能力亦有待改善電影不算感人 表達上略嫌粗枝大葉近十年來 平行時空 或不同時空穿越或穿插的戲太多了觀眾在受過長期嚴格訓練後在七個問題少年或拒絕返校學生們一兩次聚會後就發現佢哋有好多共同點好快就估到佢哋來自相同背景相同學校但不同時空導演嘅套路就了無新意心諗又係明日救未來 未來救今日 而家救過去每個人都係孤城 唯有團結合作至可以救人自救於是唔再孤軍作戰 有朋友有社交有朝氣有人生有希望終於可以突破自己嘅心魔 勇敢面對困難 挺起胸膛應付敵人然後大家喺將來重新認識 你的名字 我的呼喚 終於再在一起所謂伏筆 其實只不過攪爛咗時序 要觀眾東湊西併 重組案情這種練習 我哋做咗幾次後 再無新意再無驚喜 更不是挑戰導演原惠一其實應該減少過多伏筆和插叙法放多啲精力喺寫情上面 朋友之愛 兄弟姊妹之情 父母子女親子關係技巧唔純熟就係亂 感情表面就係淡 伏筆太多就係伏大巧若拙 感情感染係唔使技巧架 只需要真摯就夠啦哩齣電影就係少咗宮崎駿嘅真摯動人 同新海誠嘅夢幻絇麗冇內冇外 嘥咗辻村深月動之以情嘅故事小說探討嘅青少年曠課及校園欺凌問題電影對哩啲都著墨不多 捉到鹿唔識脫角 連貼地寫實都做唔到另外 鏡反映嘅係現實嘅相反鏡中世界好理想好虛幻 故事會唔會暗示真實世界 其實係醜陋嘅現實呢電影可以引發觀眾好多好多聯想或遐想可惜哩齣電影冇乜啟發性

城堡作為一個現實避難所，隨住故事展開開始解釋大家選中的原因跟共同點。因為大家各自不愉快經歷，所以不敢亦不會去問對方現實生活情況。這套戲或許不是主流，但是曾經遭受傷害的人一定能與之羈絆直擊心靈～敘事比起《鈴芽之旅》易明，不過問題實在太多角色要去處理。當然故事集中男女主角身上，但好似男主角理音比起其他人在電影中好似不算問題兒童，可能要靠小說補回背景。政宗與昴的機友情宜亦不太清楚，電影省略過多互動。還好有個驚喜結尾長大後的小晶就是喜多嶋老師，再加上有重現兩人初次見面時，背後之鏡再暗示她其實正是小晶。女主角困在家中被敲家門，被欺凌的女生叫來一群人冤枉其為搶男友的狐狸精一幕真是太惡夢！最慘是所謂老師毫不意識她們同儕之間其實是校園暴力，甚或乎叫被害人與對方商量問題⋯⋯再加上各人的問題，好似喪親之痛、天才壓力等都可以獻淚。結局就可惜了這套戲。管弦樂配樂比較奇怪，常用於高潮但反效果。然後結尾草草收結，好似最神秘狼殿下的背景、鎖匙的位置，一下子用幾分鐘就傾盆解釋出來。接近成年在城堡相處，但對於大家背景跟陌生人無異，他們之間的「友誼」似乎隨時都可以斷。還有OP都好聽，歌手的聲撕努力共鳴想再見面、念着人的心聲。鏡之孤城 主題曲 #優里 - メリーゴーランド

某程度上比近期的鈴芽之旅更好睇，睇完好治癒！！