第八個嫌疑人

個人覺得套戲是不俗，導演無論處理同執行也不俗，雖然故事推進同結尾局限於框架，但導演在處理同執行也是不俗。其實我睇到導演是有心，想在這個框架內去找新的空間，個人覺得導演在這點上是做到，尤其是尾段處理最為突出。而這套也好有鄭保瑞的影子（他是這套的監製），其中第一幕中這個長鏡是最好例子。而演繹方面，無論家棟、大鵬同孫陽也是演得好，其中我最喜歡大同孫的，他們這份情感同交流處理也是好令人深刻同有層次，尤其是最後一幕大樓這段，可以將他們之間這份手足之情細緻演繹出來。而最後用王傑一場遊戲一場夢來結尾也是神來之筆同令整套戲更昇華。痴·影·夢·藝 X 的專頁 https://www.facebook.com/ckwunmovie/

電影表現流暢，劇情尚算緊密，大鵬和林家棟都是好戲之人，電影沒有太多他們鬥智場面，加上內地（可能潛規則）不能過份去宣傳歹角的狡猾機靈，以致懸疑度不足，偵探片來看，感覺平凡，和另些內地警匪片對比，電影多描繪匪徒的心理歷程。中上水平的警匪片。

見到導演監製都係香港人, 有期望入場, 結果冇失望。全片冇咗果陣“leung”味同主旋律味, 為講故事而講故事, 呢個非常重要。全片主要係文戲, 只有犯罪過情有槍戰, 但故事結構緊密冇拖冇悶場, 故事一步一步推進, 結尾重有些微感動位, 不錯。整體演員演出亦出色, 罪犯男主角大鵬比林家棟更搶戲, 而林家棟演出都唔錯, 但冇乜驚喜。最後完場播王傑嘅一場遊戲一場夢, 影襯返電影故事背景嘅九十年代, 相當不錯, 聽出耳油, 我聽完整首歌先走。此片值得買飛入場。👍

全片節奏唔錯，偶有緊張情節，大部分時間以罪犯角度敘事，描寫佢地嘅所作所為，而林家棟同罪犯之間嘅鬥法畫面亦相當過癮。4.4/5 (88分)

初初以為係警匪片 其實只係逃亡片而逃犯謀財害命 窮凶極惡 著草過程完全冇值得同情嘅地方 死不足惜唯一可憐嘅係主犯嘅妻女同老父 從此家破人亡 一生都留有遺憾故事平鋪直叙 間中倒叙 以偽警匪片包裝劇情片發展過程中嘅高低起伏幅度唔大林家棟喺眾多男演員中佔戲唔算最多 似係共演者 冇乜發揮機會其他演員例如張頌文 大鵬 孫陽嘅演出只係恰到好處冇為觀眾留下深刻印象近年哩類大陸警匪片內容都差唔多 哩套亦係舊瓶新酒最後主犯陳信文逃亡21年 只不過喺電視新聞中閃現咗一下就被認出 最後落網 所以大陸嘅監控系統真係好得人驚Big Brother is watching You 小心小心天網恢恢 疏而不漏 若要人不知 除非己莫為謹以陳欣年嘅對白提醒大家不要以惡小而為之「由我哋打劫的士開始 我哋就已經開始坐監 以為自己得到自由 其實係喺自設嘅監獄入面逃亡咋」又一個貪心同唔甘心嘅故事小惡變大惡 終至十惡不赦最初做唔大嘅壞事 跟住壞事越做越大 結果恨錯難返注定要坐監 甚至一世 甚至哩世好快玩完⋯⋯

根據真實案件（1995年全国十大案件之一「番禺運鈔車刼案」）改編拍成本片，導演李子俊和編劇周汶儒都是香港出生而祖籍廣東的香港人，今次兩人合作，拍出一套相當不錯內地電影，冇乜懸疑嘅緝兇片，但刻劃人性頗為深刻感人。編導在故事鋪排以及場景調度都好清𥇦爽快，九十年代国內改革開放之国情，觀眾亦可以有更深認識。故事開始於1995年廣東清源市、東禺市、廣西桐州，終結於21年後即2016年雲南瑞龍市。各演員都有頗精彩演出，我覺得最好是唯一香港演員林家楝（演一個快要退休公安），以及国內頗有名聲之大鵬，佢係本片男主角，將角色性格演繹得淋漓盡致，難得好演員，亦係我頭一次睇佢嘅電影。勿以善小而不為，勿以惡小而為之。正如片中陳總陳信文（大鵬飾）終於犯上彌天大罪，就係源於佢堂弟欣年（孫陽飾）年青時犯咗搶的士一個小錯，而陳總當時就係從犯。佢哋內心從此就失去自由，等如坐監。片名英文是Dust to dust， 來自聖經創世紀，意為來自麈土，終於回歸塵土。人生在世，艱苦打拼，有榮有辱，到最後還不是雙腳一伸，化作麈煙？