星聲夢裡人 (10周年紀念放映)

如果你喜歡音樂劇，就不要錯過。我覺得跳舞真係成套戲的靈魂。好考驗主角的真功夫。背景、氣氛同配樂都一流，能夠帶動觀眾情緒。10年前我無睇，依家睇一樣唔會覺得過時。好可惜攞唔到海報。點解老人飛就無。都係支持香港電影業啫。

當年都有入戲院睇，但嗰陣仲係20歲頭，感受未有咁深，事隔10年再睇，又有另一番體會，其實呢啲遺憾主題嘅電影真係唔少，真係睇你點樣演繹，lalaland用歌舞形式包裝，加埋Prime Emma Stone同冇老過嘅Ryan Goslimg，自然係冇得輸，好睇！

總覺得《La La Land》不是一套音樂愛情片，而是以最寫實的方式去揭示城市人的煩鬱、對現實的妥協慨嘆，和對於遺憾的無奈及接受。兩位主角由相識到發展，再有共識地分開向自己夢想進發，故事以四個季節描繪出那段喜怒哀樂甜酸苦辣的關係。開首的互相作對、相識後對對方的愛慕、熱戀中的甜蜜；生活需面對的現實狀況、成長所需要的改變妥協、二人的爭吵不理解、及最後為理想而取捨。每一章節似乎也是我們於生活所面對的事及煩鬱，同時又不可逃避忽略。生活有選擇，同時需要取捨。二人相愛互相理解，但因渴望對方可實現夢想，而願意無私地放手祝福。故事的結局完整寫下他們各自的故事及美滿夢想，卻勾勒出那份遺憾憂傷的愛。最後二人相視而笑的那幕，給予對方最後的祝福，亦是釋懷這段帶著遺憾但美好的關係。/十年前於戲院錯過，終可於大銀幕觀賞。就算已在串流平台看過仍是會因情節而動容（最後Seb’s Logo及相視而笑不論何時看仍是會感到空虛）。此次再觀看亦更欣賞電影的設定及美感，不論是長鏡頭的歌唱拍攝部分，歌曲跟劇情的配合，或是城市帶點寂寞卻又美麗的夜色，好像也走進故事世界中去感受那份寫實及夢幻。———有興趣看更多分享歡迎follow instagram:@yingim_movies

不知不覺，距離第一次睇呢套電影已經過咗十年。電視都曾經播過，但始終靜心睇一齣電影先係真正嘅享受，何況係一部好戲。故事講男女主角在追夢同愛情之間掙扎，二人最後都如願實現夢想，遺憾嘅係，他們始終冇辦法走到最後。男主角跟樂隊巡迴演出期間，特意安排晚餐，想給女主角一個驚喜。一對久未見面的戀人，卻喺呢頓晚餐不歡而散，呢次亦都成為他們感情轉變的轉捩點。後來女主角試鏡成功，這對愛侶為咗各自的夢，只好放棄這段感情。電影最後七分鐘，男主角喺餐廳彈琴時，畫面帶我哋進入另一個平行時空，見到一個圓滿的結局，同現實形成強烈對比。正正係呢份遺憾的結局，令呢套電影一直留在我的記憶入面。夢想有時候同愛情難以兩全，人生未必事事都可以如願。La La Land 告訴我哋，有啲人就算最後冇一齊，都曾經成為對方追夢路上最重要嘅光。

歌好聽畫面繽紛，如有重映會再看

執手芳菲遠，凝眸蔓草生。多情弦管憶春紅。日暮酒闌雲散，分袂太匆匆。夢斷秦樓月，依稀南浦風。忍將輕負舊時盟。料也相思，料也忘相逢。料也鏡圓難覓，回首卻從容。