Barbie芭比

真人版Barbie 呢件事聽落有少少膠，但睇戲見到 Barbieland 又覺得好夢幻，雖然我本身唔熟悉呢樣玩意，但見到戲中將唔少特别版 Barbie 重現都幾有誠意，亦覺得個别設計真係好匪夷所恩，所以停產都好正常（笑）。.每日重覆「Hi Barbie 」「Hi Ken」既世界本身好單純，但當加入人類思維之後，件事就變得複雜，講到有關父權主義同女權主義都幾成人向，電影透過相對極端的處境從而簡單表達，地位對調之時亦更易理解別人感受，不過我略嫌電影說教太多，變相有少少悶，我睇兩次都有瞌著。.戲中現實世界的 Mattel 公司高層頭腦幾簡單，辦公室追逐戲得啖笑，不過見到Barbie慢慢變成人類彷如看著小孩長大，呢個成長幾感動。.而電影中歌舞場面都幾好睇，整體娛樂性不俗，幾位主演亮眼，Margot Robbie 真係演乜似乜，Ryan Gosling 除左大隻，外貌真係有啲超齡，劉思慕反而演得更入型入格，甚至他的演出比尚氣更吸引。.觀影平台: 高先電影院.IG : AndyMyFilmography/ #Andymoviereview

- 唔知乜頭乜路樁入場，以為係輕鬆愛情科幻喜劇，原來係嚴肅探討女權主義，女性被物化主流，父權社會，平權真正意義，性別身份認同…等，其實係一套哲學，社會學嘅電影，攪錯曬😂！好深呀，兒童絕對不宜😁- 女權主義和父權主義都唔係平權，性別平權係不卑不抗做番自己，沒有誰依附誰，電影好似係講呢D，我都唔太sure，因講經環節好長，自己都瞌左一陣間😂- 唔計深奧嘅message，電影都有賣點，男女主角顏值高(男主角有點似馬德鐘/白人版喬寶寶😁) ，Barbie Land又非常dreamy，將玩具世界現實化，睇得好過癮，又有musical表演，不過因為說教情節頗長，有D位都幾悶下- 千其唔好帶細路或青少年入場，一定睇唔明同喊悶，喜歡研究女性主義或平權主義嘅觀眾，會看得津津有味😉

用咗夢幻粉紅包裝既人類學劇情片。主題圍繞性別平等、反父權、自由既身份認同鋪排整個故事發展。嚴格而言，沒有劇情可言，係好多對白入面插入針對角色（Barbie VS Ken）價值觀既獨白，唔適合小朋友睇🤣至於技術層面，不論分鏡、Shot Size、畫風、後期製作呈現既Visual Design，個人覺得更適合係Netflix以“影集”定位上映。P.S. 前面排既小朋友由前中期開始嘈同扭計想走😵‍💫

好多細節位幾過癮，故事係ok嘅，但太多信息都淨係靠個演員成段嘢講出嚟，完全冇戲味。似睇咗套靚靚嘅教育電視。男女主角稱職但顯老。特別係男主角，好老。中年呀叔咁様諗嘢真係好唔夾。可能搵個後生少少嘅會高啲說服力。另外，中後段大量inside jokes 同埋好多位係緊貼barbie生平、動畫、官司、引發過嘅風波、點解某啲公仔唔再賣等等… 要知道果啲歷史先至識笑。比較估唔到嘅，係mattel為咗幫barbie洗底，會獻上自己公司做反派。佢哋個CEO都幾玩得，自己個角色咁廢，成班高層一無是處，都approve😆

其實入戲院睇左2次😂第2次更加細味到電影想表達嘅嘢。