第四幕 (bc30)

套戲選角係不錯，馮德倫越老越型，袁澧林好有層次；話就話呢套戲係在大銀幕上第一二次用港產片呈現劇場既作品，但其實所謂既人物關係或者推進，都好容易見到講呢類型作品既經典影子，例如對標《色情男女》、《金枝玉葉》（leslie同劉嘉玲部分），《drive my car》劇中劇部分；當然，呢套劇中劇其實簡單好多，劇本都係講男主自己，所以整體口講口賠既情況比較多，人物除左上述講個兩個，其實都好面譜化套戲雖然個twist有d驚喜，但就算借演員把口講出來，都唔算好改變到套戲underlying都係以男性為中心，甚至可以話係男人既FF —— 失意落魄導演遇到年輕活力少女，重拾energy，勢均力敵既前度x搭檔；好似全部女人既生活角色都要圍著呢個男人轉咁；然後呢個男人要點樣借呢d女人既力量，整套自high既作品自我救贖，呢d女人既存在意義就係拯救呢個男人⋯⋯基於上面講好口講口賠既原則，套戲個feel就係為賦新詞強說愁，甚至係老土（反轉救返唔少分，但改變唔到個基調就係咁）港產片係要撐，入場睇要撐，但見到套戲既不足講出來都係撐，唔想製作方因為覺得選角好好，overall出來ok，然後就覺得套戲既idea好受落，就止步於此—— 心水清既觀眾都仲會睇得出，邊d係真正既創作，邊d係臨摹作品。