命懸3000呎

成套戲嘅故事劇情、所有角色行事動機都係白痴、愚蠢同唔 make sense 嘅。雖然如此，但又並非一無是處。睇此作勝在唔駛用腦，畏高者可入場嚇一餐。PS • 此作延續上一集，由上集其中一個死鬼女主角個妹去延續• 今作CG有啲流流哋，比上一集差

劇情完全不合情理，半粒星加給驚險場面總算緊張刺激！

不過內容冇乜特別，好多劇情好唔合情理，不過視覺享受ok

考驗智商同極唔現實嘅續集，完全冇左第一集個魔力係度。首先山崖限制左空間自由度，冇錯係有種壓抑氛圍，但就變左好睇得出啲CGI。劇本冇令我真係好驚，反正係主角們係咁做一啲無腦野，仲要迫我睇住。想我放低個腦無問題，但有啲設定都可以做好少少。例如主角冇曬傷、訓覺唔轉身、玩單槓但唔會覺得辣手，去到最後女主角突然道德上線，成套戲都荒謬。未去到最後個幕我都或者有個合格分數，今集真係一套鬧劇。

貴為《命懸2000呎》的續集，上集刀仔鋸大樹預算300萬美元卻全球大收約2180萬美元，令到續集未上映已經甚囂塵上，香港發行落在安樂影業手上，在太古城戲院的地板上都大花心思設有視覺錯覺的地板貼，果然安樂影業的宣傳在香港數一數二，可惜再好的宣傳都挽回不到電影的差勁。入場前朋友早早告知Rotten Tomato新鮮度徘徊於45-50%，調整好期望入場仍然看得一頭霧水，主要場面背景定位於泰國關山，比起上一集的燈塔定位更為高，只可惜野心太大，綠幕感相當突兀，大大削弱了關山的高度感，連最基本的緊張刺激感都大不如前。有比較有傷害，上一集嘗試逃生的方法多的是，雖然觀眾都深知除了結局之外每一個逃生方法都會以失敗收場，但仍然會因為每一次的嘗試看得一額冷汗，加上上一集完全沒有體恤兩位主角，在塔尖上受盡折磨，Body Horror都成功加強觀眾的切身感。而今集的逃生鏡頭大大削弱，來來去去只有嘗試去取背囊，但取背囊也只是為了等待導遊營救，劇組亦對於血漿及特效化裝相當吝嗇，只剩下一個令人看到咬牙切齒的痛感鏡頭，可能導演今集想以劇情去取勝才將視覺震撼大大減低。今集劇情的確驚喜，因為死亡都比不上反智劇情可怕，一直鋪排女主角對於姐姐的好朋友的憎恨，卻交待得完全不到肉，亦對於劇情未見太大影響，爬山的理由太薄弱令到主角的成長更突兀。結局的劇情走向接近大暴走，難以理解何以會編出這樣的劇情，除了反智並未想到其他形容詞，不但未能令劇情更突出，更因著重在劇情上而令到動作場面大大削弱，即使未有對比第一集，仍然是相當失望。

同上集冇得比；上集強烈感受到主角的無助，今次完全冇；只係感受到兩個低B上山；抄冷飯好難抄的好；唔該唔好再有第三集了。