人命資源

電影一開波第一個鏡頭就黎料，比佢震撼到……真係太精彩，記得唔好遲到（曲）（笑）認真講我係睇黃修平導演分析場，黃導演用導演角度分析完套戲先知原來個拍攝手法咁特別，基本上成套戲係用中立角度拍攝，刻意用勁多側面特寫演員令觀眾可以無咁投入「主角」嘅情感當中，從而令觀眾更「中立」；另外全套戲只有4個場景有音樂，亦都係導演刻意為之，令成件事更「中立」「檔案化」。以上手法係黃修平解釋完先知，當然有啲鏡頭我睇落其實如霧似幻都明明地，經佢解釋完就明哂呀大師想講咩，黃修平作為電影界口水佬，得半個鐘唔夠講，高先可以考慮下下次搵佢分析加鐘，今次其實聽得意猶未盡！其實電影最大命題都係「下一代」，電影內發生嘅事幾乎都係負面、係每日都發生緊嘅壓抑。女主角HR嘅背景都幾有趣，每日見工篩走每一個有血有肉嘅人，到底點先可以成為一個「體面」嘅人？「人命資源」呢個電影名真係改得好好，世上90%嘅人都係底層「資源」，咁樣到底要唔要生仔？要好似男主角咁識啲比較「體面」嘅人嗎？套用返上面所講，電影其實係無答案，用完全「中立」嘅角度比大家自己思考，就係導演想講嘅野。電影最後sofar係 happy ending，亦係唯四出現音樂嘅場景中我印象最深刻。可惜電影節奏真係太慢……運鏡拍攝等等真係太高深，唔係有修大哥解釋我只會比2.5分，但佢解釋完我凡夫俗子都跟一波，學識左導演點高手法咁。

《人命資源》係《戀愛病發》、《無痛斷捨離》導演Nawapol Thamrongrattanarit嘅最新作品，電影由Prapamonton Eiamchan主演。.導演藉《人命資源》想大家一齊反思人生嘅意義、同埋為人父母嘅反思。女主角喺公司做人事部，不停要面試，見到唔同嘅人、一邊見就一邊諗得更多嘢，佢喺度諗究竟應唔應該俾自己嘅小朋友嚟到呢個世界。.《人命資源》同導演之前嘅電影風格都幾唔同，而且節奏相對上比較慢，所以可能會有啲觀眾睇唔慣、會覺得有啲慢。.電影帶出嘅問題都係唔少亞洲地區女性面對嘅問題，依家生一個小朋友唔係生完就算，仲要諗下適唔適合佢生活、同埋自己能力夠唔夠。某程度上呢套戲都有啲係勸退生育片😂但都值得大家入場一齊反思同探討下，睇完係有空間一齊諗諗，而唔係一刀切。.個人印象最深刻嘅情節就係男女主角揸私家車同電單車車主相遇，最終結果同自己想像有啲出入🧐😂🙈.P.S.開頭嘅長鏡頭，有一刻以為係放映出咗問題😂

電影所謂男女主角並無一個明顯嘅骨幹"故事"，只係透過男女主角夫婦嘅家庭同工作上遇到嘅日常事情去表達導演想要表達嘅所謂"反思議題" - 如何去好好咁喺社會上做一個人，一個出色嘅人？電影製作方面冇咩問題，只係略嫌太平淡太日常，欠缺丁點嘅戲劇性，而且電影中嘅事情太日常，日常到基本上任何一個亞洲城市人生活上、職場上都遇過，都懂，會喺朋友間吹水時會傾過、會抱怨過嘅事情，亦係永遠冇一個答案、永遠解決唔到嘅事情，所以導演此作品並冇令觀眾離場時可以有嘢拎走，更何況一個花錢入場睇"阿媽係女人"嘅理由？導演下次再拍呢類電影時應該要喺議題選擇上花多啲心思。"阿媽係女人"嘅議題係冇乜吸引力。

如題，節奏很慢，圍繞一名孕婦在不同方面的生活。最後的導演一番話加咗唔少分。4.1/5 （82分）

應該唔賣得，好快玩完。悶到。。。。又慢。講人事部又不是講得深入。樣樣講小小。電影節啲戲通常都是很悶的。這電影都沒有例外。招聘廣告寫明是月薪฿18,000。個女仔又要求฿20,000。另外個肥仔話ok, 但心膊有問題。但是有個變態的老闆，好難應付喎。

個人覺得套戲是出色我會講，導演無論在執行同處理，均是好有水準。我會形容，如果虎毒不是講產後抑鬱所帶來的情況，而這套卻講產前焦慮，導演可以細緻捕捉到孕婦在懷孕期中獨特的情緒波動。而這種波動同套戲的主調子好匹配。兩者之間可以產生出好配合同精準的互動效果。而戲中女主角作為人力資源部主管，去面試各應徵者的場口，也可以令套戲的質感有所提升。導演今次用了一種好慢、好細膩同充滿抽離感的鏡頭敘事處理手法，個人覺得這樣處理，再搭配這個故事結構同人物設定，好有畫龍點睛的效果。個人最喜歡最後洗車間這段的處理。PS：套戲在字幕後，有導演對套戲的導讀痴·影·夢·藝 X 的專頁 https://www.facebook.com/ckwunmovie/