女孩不平凡

個人覺得套戲是好睇。我會形容徐導整個執行同調度也是好睇，可以拍出關係中這份萌芽曖昧、相處角力同在成長後對關係的另一層演繹，這些方面徐導的執行均好細緻。講真我是喜歡她這樣舖排，這樣反向的舖排，可以產生出好有層次的情感。個人覺得徐導想藉套戲想講越成長，對事對關係的睇法也日趨不同，由對性向之曖昧到勇敢跳出框架，再由勇敢互動到求穩定關係，這樣徐導的描寫同調度也好睇同細膩，而這樣演變正正是GL族群所面對的情況。當然套戲中六個女演員的演繹也是妳睇，尤其鄧濤最為亮麗。痴·影·夢·藝 X 的專頁 https://www.facebook.com/ckwunmovie/

3.3⭐好平淡好一般嘅現代愛情故事劇情，只不過係換咗女女嘅關係。戲味唔濃之外，亦唔覺有乜嘢 msg 要傳達比觀眾。3個面孔、髮型、身型完全不同嘅女演員去演同一個角色不同年齡階段令觀眾投入度大大降低，係失敗嘅地方。演員同角色嚴重唔連戲之外，每次戲劇時序改變都要從新適應邊個即係邊個，令觀眾出哂戲。其待下次劇情更豐富嘅作品。PS.• 離場時感覺好似睇咗3個不同人物嘅短篇故事咁。

本身看到6位演員的牌頭以為是3段GL故事，看到一半才驚覺是同一個女生的故事，相信是導演自身的故事。電影以三個不同年齡時期，於港澳台三地的故事凑成，利用倒敍手法，由當下，大學回到中學，一步一步回看主角過去的經歷，成就現在的自己。中學時代由許恩怡飾演，「失一次戀先可以成長」的想法令我挺深刻的，看到她勇敢求愛，有股勇往直前的傻勁。大學時代由鄧濤飾演，順利出國但並非事事如意，面對同學及情人有不少抱怨，除了一頭短橙髮，個性也變得有點暴燥。當下由廖子妤飾演，事業未如人意，戀人相處也常被先斬後奏，但主角學會妥協，接受，真真正正的成長了。戲中三位演員樣貌並不相似，很難想像是同一人，但導演巧妙地透過名字，角色背景，以至家人讓觀眾自行腦補串連成同一個「本體」，亦將角色之成就暗示是導演本尊，算是彩蛋嗎？戲中主角遇上的三個對象，對主角有不同啟蒙；三個階段巧合地出現類似處境，主角內心所想與實際情況不一，主角以不同方式回應也見另一半的影響力。母親與表姐也是對主角影響深遠的人物，電影以女性作主導，情感部份寫得好拍得好，特別是Fish及Jennifer的互動，反而中段有少少悶場，不過整體觀感是部情感細膩的小品。觀影平台: 高先電影院IG: AndyMyFilmography/ #AndyMovieReview

倒叙形式講一個女同故事, 女女關係不是新鮮事, 平平淡淡沒有高潮位. 取景於香港, 澳門, 台灣, 三個地方係最大亮點.

一個乖乖女，受到啟蒙追尋自我、自由的生活，但啟蒙者則仍受約束？一個成長啟悟的故事，拍得細膩。

除咗導演本人係電影嘅主角，港澳台三地亦係電影嘅主角——電影透過調色、角色互動同大量外景好豐富咁呈現咗三地嘅特色，尤其澳門嗰部份寫第一間7-11排隊、樓梯／天台上嘅對話同食煙、家庭聚會，阿菲講澳門人好似跟説明書等等，對我嚟講都係了解澳門嘅新角度。雖然拍女同志，但三個階段嘅徐樂欣對愛情／婚姻嘅體會，放諸異性戀或男同志同樣適用。由中學時期探索愛意，大學時期不知自己所想，而勉強與不適合嘅人維持肉體關係，到三十幾歲時候事業停滯，對愛情同整個人生都感到疲憊。無論邊個階段，敍事都比較扁平，有強烈導演拍俾自己睇嘅感覺。對我嚟講，如同戲中第二段關係戀人所言，主角真係好自私，去到最後都無向一直愛護佢、為佢設想嘅人表示感謝、抱歉，甚至剖白都無，就令我有啲難受。但我相信唔同觀眾對於三個階段嘅某啲片段／感情會有共鳴，呢個都係歸功於導演拍得好凸顯到角色真摯寫實嘅感情。開始Fish獨白講「等」、對外星人嘅喜好等，有啲可能純粹係導演本人嘅投射，但我覺得同故事主軸關係不大，有啲突兀。但結尾三個階段嘅插敍同徐樂欣與貝貝嘅處理我好收貨，對我嚟講係個完整嘅結局。