總統的生日蛋糕

戰爭對每一個人都不是好事, 對無辜小孩更什。電影有反戰意味，但更重點反對嘅係獨裁統治, 眼見世界上冇一個獨裁者管治嘅國家係富強、人民係活得安好。電影中小孩活在貧困中，物質缺乏，但仍然無知地被洗腦，命都可以唔要去守護其統治者，真係令人痛心。但願世界所有獨者都倒下來, 人民都能掌管自己嘅生命同生活。講返套戲, 電影故事流暢，剪接出色, 小孩角色天真可愛又直接，惹人憐愛。其生活及遭遇亦令觀眾對伊拉克社會民情有所認識，呢啲國家基本上香港人都冇乜機會去旅遊體驗，所以入場除睇故事外，亦有另一種 "旅遊” 體驗(唔肯定係咪伊拉克實地拍攝)。😅 最震撼最有message果幕一定係最後學校被空襲，男女童主角玩鬥唔眨眼遊戲, 強烈嘅對比相信冇一個觀眾會 get 唔到個 message, 係一套值得一睇嘅作品。PS .• 唔明點解只得一間戲院上, 唔知係咪只係優先場，未正式上映？🤔

我身於和平嘅東亞地區，傻傻的伊拉克同阿富汗都唔係好分到，但薩達姆咁出名都略知一二，而且用常識都知道個幾個國家幾咁黑暗。反正就係用薩達姆生日當籍口，上層中層都大幅斂財，女主角被抽中要為總統整生日蛋糕都係籍口，重點都係高壓統治加上益下啲中層分子。整套電影近乎無個好人：警察唔做野、又睇唔起啲農民；商人又欺壓更低層嘅市民；甚至連主角開頭都堅守原則唔偷野，最後迫於社會嘅壓迫放棄原則，變相都係欺壓嘅一份子。當整個國家都上樑不正下樑歪，幾善良嘅人都會變得麻木，結局亦唔算good ending。不過又咁講，薩達姆倒台後，起馬可以拍到呢套咁諷刺社會嘅電影；導演亦拍出全套戲有唯一一個好人，黑暗中還是有光明？比起另一頭嘅阿富汗早前宣布女性基本上係無人權好更多，睇落伊拉克嘅未來比阿富汗好？國際大事我就唔識，但見識到伊拉克嘅電影都大開眼界！

個人覺得套戲是出色。我會講，導演無論在各方面的處理同執行，均是好準繩同細緻，他想藉女童因執行政治忠誠而開始這個找尋蛋糕材料而側寫在九十年代薩達姆獨裁執政的伊拉克，因盲目崇拜他而引起一連串的荒誕的事講真，導演在描寫同捕捉的處理的技巧好上乘，好多鏡頭處理同角色捕捉也是好有質素，純粹一開首這兩個長鏡處理，已經令我著迷，而他在戲中不停穿插戰機經過的設計，也好令整個故事更有其含義，而這樣可以同套戲的結尾有所呼應，咁當然他在描寫男女主角在這個找尋蛋糕材料中，互相之間童真流露的處理，也是套戲的其中一個出色位。痴·影·夢·藝 X 的專頁 https://www.facebook.com/ckwunmovie/

講小朋友揾生果, 整蛋糕去慶祝總統生日. 過程有啲驚險, 最後見到戰爭的可怕, 到底邊個拎住洗衣粉去發動戰爭？同類型片種, 《長安的荔枝》內容豐富精彩得多.

電影拍出90年代已遭到國際制裁嘅伊拉克，當時獨裁政府依然揀選要求國民喺總統生日為總統獻上生日蛋糕及美食，面臨貧困交迫、資源嚴重緊張嘅惡劣形勢之下，戲中窮困嘅女主角被揀選為總統預備蛋糕，於是四出千方百計去逐家逐戶問取製作蛋糕食材甚至迫不得已偷取食材......電影好寫實拍出當時伊拉克為總統慶祝生日表面風光華麗，實際國民面對窮困潦倒嘅生活情形場景，女主角及周邊角色皆好自然表現出為求獲取生日食材而四處問人甚至不擇手段嘅矛盾困苦心境～值得一讚電影尾段結局處理手法睇得相當暢快，感覺猶如將表面風光華麗嘅虛偽假像表面拆穿。

生活在沒有戰亂，物資充足的香港，很難想像因為要製作一個蛋糕，而失去唯一至親。導演在電影中編排很多伏筆，平靜的小河上大火熊熊的房屋，滿天的飛機聲，老百姓不對伊拉克總統表忠就被人舉報下牢房，貪污巳成為習慣，學生一生完全由其父母權勢決定。導演在指導两位小演員很有效果，互相凝望不眨眼的小遊戲，刻畫出失去至親的悲痛。很出色的電影，並多謝電影商讓香港觀眾看到這套優質電影，教育人們幸福未必是必然。值得去看。