迷失幸運兒

個人覺得今次活地沒有太大失手，無論在處理同執行也不俗，雖然今次是全法文創作，但繼續可貫徹到他這種獨有描寫關係的處理手法，今次活地在這方面一點也沒生疏，因這樣卻令我睇得投入。講真這套不是他拍得最優秀的一批片，但絕不是最差的。又老實以他這樣高齡來講，可以拍到這樣水平的片已經不錯。或者可以講，因為浸淫這樣多年，令他現在拍的片更散發出一種獨特的韻味。痴·影·夢·藝 X 的專頁 https://www.facebook.com/ckwunmovie/

活地阿倫都係嗰啲，一班人一味講講講講，加上幾個主要場景，咁就拍咗一套戲。佢拍巴黎真係有一手，乜都拍得好靚，公園好靚、森林好靚、樹葉好靚，餐廳好靚，連包栗子都靚過人。故事雖然老土，上半場可以用「金風玉露一相逢，便勝卻人間無數」嚟形容，之後就係懷疑、猜忌、報復嗰啲......悶悶地但係個衰鬼又拍得幾好睇嘅。幫大家重溫一下五大重點:1) 老婆太靚要小心2) 老婆嘅舊男同學要小心3) 老婆識吟詩嘅舊男同學更加要小心4) 有個八卦外母亦要小心5) 人算不如天算，想小心都冇得小心而家香港咁迷失，不如叫佢嚟拍返套〈迷失夜繽紛〉啦!

活地亞倫的奇情法國電影《迷失幸運兒/Coup De Chance》，Fanny數年前失婚後遇上現任丈夫Jean，之後倆人成為了一對住在巴黎高級社區裡頭的模範夫妻，某天在巴黎市中心的街頭巧遇舊同學Alain，此後兩人經常在午餐私會，Fanny瞞著老公與Alain發展關係，兩人心知不能長此以往下去，一心想要跟老公攤牌展開新生活，而Jean早已起了疑心，知道倆人偷情的事，耍手段讓Alain在人間消失，令妻子以為這小子追到手就卻步鬆人，甚至乎連Fanny的母親也因看出蛛絲馬跡而招惹殺機。相信命運的Fanny，把命運跟罪惡扯上關係，機緣和運氣又再把她帶到一個截然不同的人生，活地阿倫的電影依舊能玩出可堪咀嚼的趣味，把一個浪漫的愛情故事與犯罪故事扯上關係，而飾演Fanny的女主角著實亦迷人到不得了。

女主角作為花瓶妻子，當年倉猝結婚二嫁給一家有錢人，生活雖然保障，但就沒有感覺。街上偶然意外剛好遇到以前中學的男同學，多次午餐約會就應邀上屋食他下麵。不得不提有好幾場好有秋意明信片般的巴黎公園，原來法國都有炒栗子，不過女主角食完栗子就隨地拋皮⋯⋯正常人面對更靚仔的對象，自然上癮好難跟他抽離。女主角老公準備照板煮碗，又計劃不小心獵鹿時射殺多事的岳母，殊不知自己也變成別人的獵物。抬走一個奸夫，如果日後又來一個新的又要再處理。假約他無被命運擊斃，源頭問題還是沒有解決到。不過對女主角來講，她又可以拎住一筆遺產再嫁真的好「幸運」。幾個伏筆最後都不了了之，最後張六合彩有無中獎呢？火車模型有沒有特別意思？作為87歲導演，作品依舊令人餘悸，真正衰嘅究竟是誰？

本片係一個優美短篇，在輕快配樂中帶出塞納河畔無盡溫柔旖旎，結局有點出人意表，係一齣賞心悦目電影，活地亞倫風格，嘲諷世人愚昧沉淪。如果你係佢粉絲，就千祈咪錯過。片名法文Coup de chance，英譯為Stroke of luck，即意外好運。片內男女主角原是在美國中學時代隔級同學，今次在巴黎意外重遇，女已是有夫之婦，竟然按不住愛火重燃，發生婚外情。或者有人認為這種浪漫有如意外收獲，豈料有時也要付出沉重代價。有人話，人世間一切相遇，都是久別重逢，一切都是因緣。所謂百世修來同船渡，千世修來共枕眠，是以男女相處更應毋忘初心，彼此尊重珍惜，活在當下，共創美好人生，願天下有情人共勉。

受Woody Allen 嘅人就受，唔受嘅人未必可以睇完場。當導演喜歡靠對白推動劇情，其實其他電影原素會被忽略，Woody Allen 仲極端，佢仲要用相反嘅電影語言去削弱劇情嘅震憾力，唔受嘅係會投入唔倒，粉絲如我就覺得佢好勁，好有胆色同自信。舉個例子，輕快嘅Jazz, 又頭帶到尾，同佢其他電影一樣，唔理類型，都係一樣。但係當故事劇情係黑色時，反差就好大。相信如果 Ethan brothers 拍哩個故事會好好睇，尤其結局一場。BTW, 鍾意Jazz 會好enjoy, Nat Adderley 好正！就因為哩啲反差，反而令你驚奇，Woody Allen 越嚟越識玩，因為唔再需要討好人同妥協。