七月返歸

導演只取其形，卻失其神采，原因不僅是製造恐怖的機制有差異，更大的問題在於導演對於政治隱喻的執著到了一個令人髮指的地步。七月所營造的恐怖氛圍，即是對耳熟能詳的「已知」事實進行某種妖魔化包裝，我們只需觀其醜陋外形，聽其有「弦外之音」的台詞，就能越過影像本身，回到現實生活尋找所指，既然如此，那又有何必要再花心力在戲中塑造一個新世界、一個新邪教呢？七月的問題所在，它不像Get Out那樣擁有一套能自圓其說的推理/推想，抑或是處心積慮的陰謀詭計，這是建構戲中團體/社會運作，進而銜接、平衡虛構影像與社會指涉或隱喻的有效途徑。然而，七月並不存在這般清晰的構成，而是直接將鬧鬼、廣告、屋邨、祭祀等與港人生活息息相關的元素與一眼看穿的政治隱喻相掛鉤，也正是片中「邪教」的來源，將相關描寫模糊再模糊。造成的惡劣後果是，一方面電影無法成功塑造出具說服力的邪教組織、甚或鬼魅都市，到最後給出的是一個再抽象不過的空泛概念「明嘅話就明」；另一方面，用以調動"香港"觀眾情緒，也是引發恐怖效應的政治隱喻昭然若揭，甚至已經違反恐怖片的鐵律：未知的最可怕。AK的陰陽眼、回憶和噩夢，提供的是沉浸式視角，讓觀眾能夠與主人公的心境產生共鳴，港式都市傳說、元寶蠟燭香、紙紮屋公仔、盂蘭廟會等等令我作為觀眾十分欣賞因為劇本的細膩程度很強。期待日後導演有自己的風格再拍出有趣的恐怖鬼片。

演員演技係OK嘅 但完全唔知套戲想講咩 劇情表達唔清晰

不嬲都驚睇鬼片，但今次朋友介紹下就去咗睇。估唔到又幾有深度，引發反思入面想表達嘅嘢。每個人睇可能都有唔同方面同層面嘅領悟，推薦！！

呢套有別於只有jump scared 嘅恐怖電影，佢要思考，細味佢想帶出嘅政治隱喻，電影中有不少嘅香港特色，舊屋村、紙紮祭品、香港都市傳說等，Ak 江𤒹生嘅演技成功將觀眾帶入戲中！

演員演得好，畫面配搭音響效果非常好，感受到驚嚇！但當中亦有心痛和感人嘅情節！男主角自小有陰陽眼，受到朋輩排擠！媽媽用不同方法想令佢變回正常人！最後不成功！唯有選擇「看到扮看不到，聽到扮聽唔到」其實背後有什麼含意呢！每個觀眾都有不同嘅想法！一套有深度，貼地，動人故事，真的值得入場觀看，支持香港電影！

睇完呢套戲除咗劇情之外, 最深印象係d場景, 之前睇訪問知道個屋邨內景全部都係喺工廈單位入面搭出嚟, 但無論屋內同屋外嘅佈置道具都好精細好真實, 例如碌架床下層牆身貼住一粒粒嘅貼紙仔, 令我即刻諗返起細個嗰陣同我個妹都係將d貼紙周圍貼嘅畫面, 仲有其他床單、窗簾布、氣窗、走廊同lift入面俾d告示貼到斑駁嘅痕跡等等, 令人好似身處喺一個真實嘅舊式公屋邨咁, 配合埋呢個詭異嘅電影題材, 實在好有感覺。唔打算詳談劇情, 想講吓各位演員, 主角、配角、小演員全部都做得好好, 攞過各項影壇大獎嘅國際影星白靈姐演技就唔駛多講啦, 本身自帶氣場, 就咁企出嚟已經有令人“驚”嘅感覺(呢個係讚賞嚟..)； 但勢估唔到由頭帶到尾嘅影壇新血AK都令人大有驚喜, 一開始嘅場口仲覺得佢講對白麻麻地, 但慢慢進入戲嘅高潮位就越嚟越好, 表現出嗰個驚嚇同緊張感令觀眾都不自覺跟住心跳加速, 睇得出佢好投入個角色；然後太保哥同譚玉瑛姐姐都做到角色嘅神秘詭異感, 太保哥嘅笑真係會令人有心寒感覺；仲有2位小演員Sean同Wesley, 2個都做得好自然, 唔會有好老積好“over”嘅演技, 本人尤其欣賞Wesley, 佢雖然年紀咁細, 但演得好好, 保持到個童真感覺之餘又睇到佢對於自己擁有陰陽眼嘅無奈同無助(佢仲好可愛, 超鍾意佢)；其他出場相對少d嘅演員, 例如Shirley、詩詩、周祉君都好唔錯, 每個都恰如其分。總括嚟講, 呢套《七月返歸》係好值得入場欣賞, 睇完個人會不斷思考, 諗返d細節位真係會好驚嘆導演嘅細思極恐, 真心欣賞。請支持香港電影!!