關於我和鬼變成家人的那封利是

一部翻拍及改編自台灣作品"關於我和鬼變成家人的那件事“嘅泰國電影。整體改編得唔錯，除保留原作大部分戲軌同場口外，新/改編嘅人物同笑位都不俗，泰國版演員演出感覺上比原作台灣版更放更鬼馬抵死。而整體嚟講此泰國翻拍版比原作台灣版更原整同流暢。不過始終都係一部翻拍電影，唔係原創，故事/劇本創意方面一定扣分唔會比高。冇睇過原作嘅大可入場，睇過原作嘅就要考慮一下。

一樣的《鬼家》但又像獨立新作，更集中在兩位男角身上。雖然都是含冤而死同志新鬼與恐同警察，與台版劇情相近。卻明顯着重喜劇部分，笑點高度密集，亦都調整懸疑部分。BKPP選角比原本更合的CP，兩個他的互動更可愛更年輕，雖然這次鬼老公TT比毛毛稍遜演得。睇完之後順路推Billkin上套的《全職乖孫》。注定執到您，從此改運。　　依然百無禁忌，祖師爺今次真的現型批准。出軌加暗戀都有，原版王淨的女警內鬼的線亦削弱太好了，或者是胖虎同儕都成為了花瓶。當然要抬起本身戲外都是白馬CP的情侶。支持LGBTQ的嫲嫲與反對的父親和解也如原戲大同小異，「奸角」阿爸導演連衫都不肯比多件。　　消去台版那種恐怖開場，還有一樣的裝基健身房﹙協助﹚查案。原版男主角是警察，改成商場小偷轉成線人。一樣鋼鐵直男，不修邊幅滿屋內褲，再加劣等搭配審美。PP所演的Titi就地取材，為這個直男執正嗰行頭來混入夜總會裏，還有強項的尬舞對決。鋼管舞一段增長，Fire Boy Yeah！最妙是加了鬼老公的時裝設計師的「花姣」設定。　　核心元素神還原，再由GDH強化其擅長的溫馨戲劇。番梘之外，華人一樣的溝通問題，不管台泰的爸爸都不是因為所結的人是男人而拍枱，而是私下調查知道對方是出軌男，但是礙於言語而造成誤會，再加上意外致這段「喜事」。雖說泰國文化，但是頗多共通習俗直接可以通行。遺願都再集中在鬼老公優先。　　 祖師爺的莖氣直允〈big-dick-energy〉來對照「不敢相信」。長度還是一定要提及的，Titi不就是丁丁？台版還有個飛車追逐，而泰版也有誇張的一指隊冧的骨碑效應。有些無厘頭都算惹笑，好似在找鞋一段所聽到拳館老闆話：「Follow別人IG，但對方沒有回Fo」，還有BK用拖鞋配音所錄到的「證據」。用刀來試不明粉末就比較不合常理。　　港版字幕加分，看完幾套英皇的電影就不難不忘記，連之前「重」點經典都有提及。本地化最後的槍戰原本的歌舞廳成泰拳館，這裏更加首尾呼應開頭扮基捉人一段。眼神跟肢體都好加分。變成芝娃娃也更可愛。　　「基」會所及不可放過，性、愛暗示闊度無制限。阿文借基亂摸毒販後面，找出拳館最安全的地方。後補的《人鬼情未了》，前世結下的因都今世情願嘭嘭倒下。上身由最初捉弄對方，去到差點就魂飛魄散去救助。互為對方差點失魂，尤其男直角的眼神瞬間愛上。台泰都先後婚姻平權，還望上映到此戲的地方都可以自由去愛。PP所唱的〈Ruined〉 太好聽，唱出那種可惜仍要撕裂合照之痛。如再刷可以睇其他地區的字幕版本就更添笑點！

受惠於原著劇情已經唔錯，所以泰版就算改動不大都覺得好好睇，而泰版除左主角由警察變成警察線人呢點有啲不明所以（係咪因為主角個樣太年輕同靚仔？不足以說服佢係個警察？）不過查案過程中都有善用返呢個身份，算不過不失嘅改動。其餘改編都幾唔錯，由其刻意削弱女警內鬼線，令整個流程更通順；以及加入大量笑料，甚至我認為笑話比原版更好笑。另外不得不提係字幕實在搞笑，而且非常在地化，呢點值得一讚。不過我都諗緊到底黑社會大哥一路打人一路講對鞋個到其實係咪真係講緊對鞋？到底泰文原文係講乜？字幕太生動都有呢種缺點……結尾毛毛/迪迪釋懷去投胎個幕就算睇多次都好感動，證明演員演出到位，同埋劇情改編完張力都足夠。唯一係感覺改編得太神似，除左泰拳館呢個設定外，無乜突顯到泰國元素，感覺電影拍出黎除咗講泰文外，都仲係好「台灣」咁。BTW做大直男嘅男主角真心靚仔到！個時睇《全職乖孫》都唔覺佢係咁靚仔…….相反做迪迪嘅男主角比起林柏宏就仲差少少火喉咁。

單睇泰國版，呢套拍攝手法、個節奏好似係窒下窒下咁泰國戲成日俾我感覺好似岩岩先引左觀眾入戲，然後又用啲gag 拉番觀眾出戲咁但個故事本身真係好好相信可以拍得更好更深入

喜劇感滿滿，令人難忘記。

非常好睇 PP billkin超級勁 演技好好 有笑有淚