《寒戰 1994》

觀影時感覺被電影扯住走咁，加上人物/勢力衆多，觀眾難以 follow 同嗒戲，連思考/消化劇情嘅時間都冇，所以整體觀影感覺麻麻哋，睇得有點辛苦。明白寒戰其中一個成功之處就係節奏明快，但都應該要有個限度，當片長有限，但故事世界不斷擴大，人物不繼增加，快節奏只會令劇情變得單薄/兒戲，人物描寫同行事動機變得表面/膚淺。有啲大卡出場只得幾句對白，好似為出場而出場咁，咁樣嘅"星光熠熠"電影 so far 都冇乜幾多套係佳作。電影以郭富城同周潤發話舊屎嚟講番寒戰之前1994嘅故事。如前所述，電影世界觀擴展到好大，又警方，又黑社會，又政治部，又英國MI，又富豪，又特首，又乜乜乜，令電影劇情變得單薄欠深度，似流水式敍事 + 東拉西扯，冇咗故事劇情嘅張力同人物之間嘅深度角力，令電影流於表面欠深度。冇咗寒戰第一集嘅戲味同劇力。演員方面，卡士強勁，視覺享受係有嘅，但深層演技發揮係冇嘅，感覺都只屬一般表現。我唔會話係演員嘅問題，係導演/編劇嘅問題，編出一個流於表面又零碎嘅故事，演員自然冇乜得發揮。不過選角以劉俊謙去演梁家輝就真係代入唔到，外型同角色塑造同第一集梁家輝角色真係大纜都扯唔上，令投入度大減。至於動作同槍戰場面，只屬一般貨色，CG場面亦都幾假，槍聲、炒車聲唔夠出，焗住焗住咁。近期低成本製作嘅“衝鋒：火拼"絕對精彩、緊張同出色過佢。電影 budget 應該係去哂演員、導演/編劇果度。整體本人覺得此作都係逃唔過名作續篇嘅命運 - 一蟹不如一蟹，真係唔拍好過食老本為拍而拍。有咁大嘅資金同卡士點解唔拍套全新電影，反而不斷喺舊橋上鑽牛角尖，越鑽越爛呢?PS.• 雖然本人評價只係一般，但人家投資億萬，衆星雲集，比一百幾十入場睇仍然都係值嘅，睇戲嘅嘢冇話只有5⭐先值得入場• 有啲人話1995先係見真章，到時又睇下點，其待...• 呢套1994重難睇過 Juno 套風林火山😅• 整體嚟講以佢嘅資金同卡士，縱使有製作誠意，成手好牌都只係做到舖一、兩番雞糊牌，打牌果個要檢討一下。

《寒戰1994》，實情上是《寒戰1995》的大型預告片。來到《寒戰1994》，雖然導演刻意擴大整個電影格局，從警局、富商到黑幫再到英國政府，甚至以主權移交作為背景，但就算角色量大增，看似格局變大，但故事主題卻反而變得更加簡單。一宗富豪綁架案看似錯綜複雜，各方出手角力，但其實到頭來反而失去雙方壁壘分明的對立感，卻回歸大路港產片的強權壓到弱勢，再由弱勢力抗陰謀，排除萬難追求真相最後反擊的基本橋段。雖然電影透過配樂或者許多大型場面製造震撼感，但偶爾黑幫、偶爾富商、偶爾警隊內訌，所用的反而是港產片各種經典橋段。黑吃黑、用槍射偏救人、電單車公路追逐⋯⋯《寒戰1994》有一種既然獲得大量資金，不如盡情揮霍的氣勢。我確實佩服電影幾個大場面設計，例如復刻啟德機場的雨戰的確有震撼感，但整體卻並未有為劇情帶來推動。最令人深刻的寒戰第一集，精彩之處在於兩方勢力如下棋互相牽引，以及雙方的理念衝突，到最後真相反轉亦都相當精彩。但《寒戰1994》卻沒有這種精密計算的較量感，只有各方大勢力輪流show hand，誰大誰惡誰正確。又或者任由孤狼劉俊謙盡情搞局，透過打打鬧鬧去改變劇情取向，而非《寒戰》那種將巨大陰謀抽絲剝繭，在巨大壓力之下堅守真相的佈局。其他詳細影評，歡迎來到爆米花族的世界參觀： Ig：popcornmoviehk

演員cast嚟講，值回票價有凸，數唔到有幾多角色，無數咁多老+新派演員，好豐富！故事感覺上同本身寒戰睇落關係唔係好大…比較似獨立另外寫嘅前傳，基本上就算無睇過寒戰都無傷大雅…加分位喺cast，真係睇唔哂！

整體似前奏，但不失咁多好戲之人既發揮，完整度都值得支持

《寒戰1994》評上評價好兩極，我先講我認為電影係好睇嘅。預告片將英國佬剪到成個大反派咁，但電影出實際上無邊個係明顯反派，大家各懷鬼胎都係為自己。我自己幾滿意戲中大部分角色都智商在線，陰謀角力權謀係屬於好睇嘅層面；同權謀相反，《寒戰1994》嘅動作就非常普通，由細睇槍戰、動作片長大嘅大家一定身同感受。總之睇《寒戰》唔好聚焦於動作、特技，只睇各大角色、影帝用政治手段談判、鬥法咁做文戲就好了。另外有三點想額外講下：1. 《寒戰》最著名兩大影帝叠聲鬧交呢一幕今集都想重現，但刻意不成功，反映今次「鬥法」嘅一哥二哥並唔處於同一水平，呢點都寫得幾好。2. 大家都會笑《寒戰1994》續集只可以寫多95、96同97又二分之一，明嘅會明。但我認為係創造受限制嘅環境下，《寒戰1994》已經盡力寫得最好，甚至AI都唔會係咁嘅創作環境下寫得出。係當今嘅香港拍電影，如果想要開戲或者就係需要呢種靈活變通吧！唔想踩紅線拍攝，就唯有似《黑社會3》咁長埋於杜Sir啲腦海中，但世界上有幾多個杜Sir可以不食人間煙火呢？只能講電影業加油盡做啦！3. 「舊富商」角色真係非謝君豪莫屬，真係霸氣盡露，做兒子嘅吳慷仁都不遑多讓，兩大影帝交鋒係電影最好睇個part。另外幾個有錢佬角色經歷炒埋一碟，有錢人嘅故事屬於我地平民茶餘飯後嘅話題，我地遙不可及，當電影咁睇有時都算係同佢地「平起平坐」。總之世界真係太黑暗，咩咩家族、英國佬、中國之間高手博弈係佢地嘅事，大家留得係香港習慣就好，閒時睇套餐食下爆谷就算啦。

回顧以前的香港，吳彥祖、劉俊謙擔大旗的電影，78分